पुणे : कबुतर चोरीच्या संशयावरून एका तरुणाला बेदम मारहाण करून त्याचा खून केल्याची धक्कादायक घटना वानवडी परिसरात उघडकीस आली आहे. या प्रकरणी चार सख्ख्या भावांना अटक करण्यात आली आहे. गौरव विजयकुमार माजी (वय २२), सचिन विजयकुमार माजी (वय २३), मोनू विजयकुमार माजी (वय २६), बंटी विजयकुमार माजी (वय. १८, सर्व रा. शंकर मठ, पावर सोसायटी वैदवाडी हडपसर) अशी अटक करण्यात आलेल्या आरोपींची नावे आहेत. ही घटना बुधवारी (दि. १८) पहाटेच्या सुमारास घडली. गुन्हे शाखेच्या खंडणी विरोधी पथकाने या चौघा सख्ख्या भावांना अटक केली आहे. तर रुपेश धनराज शिंदे (वय १९, रा. मोशी, पिंपरी-चिंचवड) असे मृत तरुणाचे नाव आहे. याबाबत त्याचे वडील धनराज बळीराम शिंदे (वय ४५) यांनी वानवडी पोलिस ठाण्यात फिर्याद दिली आहे.
पोलिसांनी दिलेल्या माहितीनुसार, रुपेश शिंदे आणि त्याचा मित्र अजय टिंगरे हे दोघे पहाटे दुचाकीवरून मोशीकडे जात होते. हडपसर येथील शंकरमठ परिसरात ते थांबले असता जवळील मोकळ्या जागेत कबुतरांच्या पेट्यांजवळ गेले. त्यावेळी कुत्र्यांच्या भुंकण्यामुळे स्थानिकांना संशय आला आणि काही जणांनी त्यांचा पाठलाग सुरू केला. भीतीपोटी दोघे पळू लागले, मात्र पळताना रुपेश घसरून पडला आणि तो आरोपींच्या ताब्यात सापडला.
यानंतर आरोपींनी त्याला लाकडी बॅट, लाथाबुक्यांनी बेदम मारहाण केली. इतकेच नव्हे तर त्याला कबुतरांच्या ढाबळीला बांधून ठेवले. सकाळी त्याची प्रकृती बिघडल्याचे लक्षात आल्यानंतर आरोपींनी अपघाताचा बनाव रचत त्याला रुग्णालयात नेले. मात्र उपचारापूर्वीच त्याचा मृत्यू झाला.
खंडणीविरोधी पथकाचे पोलिस हवालदार नितीन मुंढे यांना त्यांच्या बातमीदाराने ही माहिती दिली होती. पोलिसांनी रुग्णालयाच्या चाळीस क्रमांकाच्या वॉर्डात जाऊन चौकशी केली. तेव्हा दोघे संशयित त्यांना मिळून आले. तोपर्यंत रुग्णवाहिकेतून आणलेला तरुण मयत झाला होता. चौकशीत दोघांनी सांगितले आमची कबुतराची ढाबळ आहे. खून झालेला तरुण रुपेश हा कबुतरे चोरी करण्यासाठी आला असावा, असा संशय आम्हाला आला. त्यातूनच त्याला आम्ही पाच जणांनी बेदम मारहाण केली. रात्री त्याला ढाबळीला बांधून ठेवले. सकाळी पाहिले तेव्हा त्याला उलटी होत होती. तसेच तो शुद्धीत नव्हता. त्यामुळे आम्ही सुरुवातीला त्याला नजीकच्या रुग्णालयात दाखल केले. परंतु त्याला डॉक्टरांनी ससून रुग्णालयात घेऊन जाण्यास सांगितले. अपघाताचा बनाव रचण्याची आम्ही तयारी करत होते. ससूनमध्ये घेऊन येण्यापूर्वीच त्याचा मृत्यू झाला होता. ही कामगिरी पोलिस उपायुक्त निखिल पिंगळे यांच्या मार्गदर्शनाखाली पोलिस पथकाने केली.
Web Summary : Pune: A youth was fatally beaten over pigeon theft suspicion in Wanwadi. Four brothers are arrested. They fabricated an accident after realizing the victim's condition worsened, but he died before reaching the hospital. Police uncovered the crime.
Web Summary : पुणे: वानवडी में कबूतर चोरी के शक में एक युवक की पीट-पीटकर हत्या कर दी गई। चार भाई गिरफ्तार। हालत बिगड़ने पर उन्होंने दुर्घटना का नाटक किया, लेकिन अस्पताल पहुंचने से पहले ही उसकी मौत हो गई। पुलिस ने अपराध का पर्दाफाश किया।