नसरापूर : जांभळी (ता. भोर) येथील हॉटेलमधील कामगाराने हॉटेलमालकाच्या सासऱ्याचा मध्यरात्री बोथट हत्याराच्या साह्याने खून केला. खुनाची घटना बुधवारी (दि. २५) दुपारी उघडकीस आली आहे. आरोपीला पकडण्यात राजगड पोलिसांना यश मिळाले आहे.
राजगड पोलिस ठाण्याचे सपोनी तुकाराम राठोड यांनी दिलेल्या माहितीनुसार या घटनेतील किसन बापू सुर्वे (वय ७५, रा. भोंगवली, ता. भोर) असे खून झालेल्या व्यक्तीचे नाव आहे, नसरापूर वेल्हे मार्गावरील जांभळी येथील हॉटेलमध्ये बुधवारी पहाटेच्या सुमारास ही घटना घडली होती. याप्रकरणी सागर थापा (वय २१) असे खून करणाऱ्या पळून जाणाऱ्या परप्रांतीय हॉटेल कामगाराचे नाव आहे. प्राथमिक माहितीनुसार हॉटेल मालक अनिल रसाळ यांनी नवीन मोबाइल विकत घेऊन न दिल्याच्या कारणावरून चिडून जाऊन हॉटेल मालकाच्या सासऱ्याचा कामगाराने खून केल्याचे उघडकीस आले होते.
हॉटेल शेजारी रसाळ यांचे सासरे किसन सुर्वे यांची पानटपरी आहे. आरोपी सागर थापा याने फोन केल्यानंतर रात्रीच रिक्षाने पुणे गाठले; परंतु रिक्षाचालकास पैसे देण्यास तयार नसल्यामुळे लागलीच त्याने हॉटेल मालकाच्या मुलाला फोन करून फोनवरून पाचशे रुपये मागितले होते. त्यावेळी हॉटेल मालकाच्या मुलाने प्रसंगावधान राखत रिक्षा चालकाला फोन दे असे आरोपीस सांगितले होते. त्यावेळी रिक्षा चालकाने थापा यास थांबवून ठेवले होते तर नंतर राजगड पोलिसांनी त्यास जेरबंद केले.
Web Summary : A hotel worker in Jambhali, Bhor, murdered his employer's father-in-law over a mobile phone dispute. Kisan Surve was killed with a blunt object. The Rajgad police arrested the absconding suspect, Sagar Thapa, who fled to Pune but was caught after asking for money from the victim's family.
Web Summary : भोर के जांभली में एक होटल कर्मचारी ने मोबाइल फोन विवाद में अपने नियोक्ता के ससुर की हत्या कर दी। किसान सुर्वे की धारदार वस्तु से हत्या कर दी गई। राजगढ़ पुलिस ने फरार संदिग्ध सागर थापा को गिरफ्तार किया, जो पुणे भाग गया था लेकिन पीड़ित के परिवार से पैसे मांगने के बाद पकड़ा गया।