Pune Car Accident : पुण्यातील सदाशिव पेठेत एका कारने १२ तरुणांना उडवल्याची धक्कादायक माहिती समोर आली. यातील काही तरुण एमपीएससीची तयारी करत होते. या तरुणांना रुग्णालयात दाखल केले असून त्यांच्यावर उपचार सुरू आहेत. पोलिसांनी घटनास्थळी धाव घेत चालकासह सहप्रवासीला ताब्यात घेतले. दरम्यान, पोलिसांनी केलेल्या चौकशीत चालक मद्यधुंद अवस्थेत असल्याची धक्कादायक माहिती समोर आली आहे.
Pune Car Accident : पुण्यात कारने १२ जणांना उडवले, अपघातामधील जखमींची यादी आली समोर
पोलिसांनी दिलेली माहिती अशी, जखमी १२ जणांचे जबाब घेण्याची प्रक्रिया सुरू आहे. अजूनही दोन ते तीन जण रुग्णालयात आहेत. चार ते पाच जणांना फ्रॅक्चर आहे. बाकीचे लोक जखमी आहेत. कारचालकासह सहप्रवासी दोघेही मद्य पिले असण्याची शक्यता आहे. चालक, सहप्रवासी आणि गाडीमालकाला ताब्यात घेण्यात आले आहे. गाडीचा मालक आणि चालक यांच्यामधील कराराची कागदपत्रे तपासून गुन्हा दाखल करण्याची प्रक्रिया सुरू आहे, असल्याची माहिती पोलिसांनी दिली.
जयराम शिवाजी मुळे असं कारचालकाचं नाव असून तो २७ वर्षांचा आहे. तो समर्थ नगर कॉलनी बिबडेवाडी येथे वास्तव्यास आहे. त्याच्याकडे हुंडई टुरिस्टची गाडी होती. धक्कादायक बाब म्हणजे, तो मद्यधुंद अवस्थेत कार चालवत असल्याची देखील माहिती समोर आली आहे.
जखमींची नावे-
अविनाश दादासो फाळके, प्रथमेश पांडुरंग पतंगे, संदीप सुनील खोपडे, सोनाली सुधाकर घोळवे, मंगेश आत्माराम सुरवसे, अमित अशोक गांधी, समीर श्रीपाद भालचिकर, सोमनाथ केशव मेरूकट, प्रशांत ब्रह्मदेव बंडगर, किशोर हरिभाऊ भापकर, पायल आदेश कुमार दुर्गे, गुलणाज सिराज अहमद अशी जखमी विद्यार्थ्यांची नावे आहेत.