पुणे : दोन ऐतिहासिक व्यक्तींवरील विधानावरून पुण्यात राजकीय वातावरण तापले असून भाजपच्या आंदोलनादरम्यान दगडफेक झाल्याची घटना समोर आली आहे. या प्रकरणामुळे शहरात भाजप-काँग्रेस वाद अधिक तीव्र झाला आहे.काँग्रेसचे प्रदेशाध्यक्ष हर्षवर्धन सपकाळ यांनी केलेल्या वक्तव्यामुळे धार्मिक भावना दुखावल्या जाऊ शकतात, असा आरोप करत भारतीय जनता पक्षचे पुणे शहराध्यक्ष धीरज घाटे यांनी तक्रार दाखल केली. त्यानुसार पर्वती पोलीस ठाणे येथे गुन्हा नोंदवण्यात आला आहे. पोलिसांकडून प्राथमिक चौकशी सुरू असल्याची माहिती मिळत आहे.
आंदोलनाला हिंसक वळणया प्रकरणाच्या निषेधार्थ भाजपने पुणे येथील काँग्रेस भवनसमोर आंदोलन केले. आंदोलनादरम्यान काही ठिकाणी दगडफेक झाल्याचा आरोप करण्यात आला आहे. काही काँग्रेस कार्यकर्ते जखमी झाल्याची माहिती मिळत असून परिस्थिती तणावपूर्ण झाली होती. पोलिसांनी हस्तक्षेप करून परिस्थिती नियंत्रणात आणल्याचे सांगितले जात आहे.काँग्रेसची पलटवार मोर्चेबांधणीघटनेनंतर काँग्रेसचे कार्यकर्ते फरासखाना पोलीस ठाणे बाहेर जमले आणि भाजप कार्यकर्त्यांविरोधात गुन्हा दाखल करण्याची मागणी केली. काँग्रेस शहराध्यक्ष अरविंद शिंदे यांनी पोलिसांवर प्रश्न उपस्थित करत, “वेळीच हस्तक्षेप झाला असता तर हिंसाचार टाळता आला असता,” असे म्हटले. दरम्यान, या घटनेनंतर भाजप आणि काँग्रेस यांच्यात आरोप-प्रत्यारोप सुरू झाले असून शहरात राजकीय वातावरण चांगलेच तापले आहे. पोलिसांकडून दोन्ही बाजूंच्या तक्रारींची चौकशी सुरू आहे.
Web Title : Pune BJP-Congress Tensions: Stone Pelting During Protest, Demonstrations at Police Station
Web Summary : Pune's political climate is heated after controversial statements. BJP protested, alleging hurt religious sentiments. Protests turned violent with stone pelting. Congress demanded action against BJP.
Web Title : पुणे में भाजपा-कांग्रेस तनाव: विरोध प्रदर्शन के दौरान पथराव, पुलिस स्टेशन पर प्रदर्शन
Web Summary : विवादित बयानों के बाद पुणे का राजनीतिक माहौल गरमाया। बीजेपी ने धार्मिक भावनाओं को आहत करने का आरोप लगाते हुए विरोध प्रदर्शन किया। विरोध प्रदर्शन पथराव के साथ हिंसक हो गया। कांग्रेस ने बीजेपी के खिलाफ कार्रवाई की मांग की।