पुणे : बाणेर भागातील एका लाॅजमध्ये वेश्याव्यवसाय सुरु असल्याचा प्रकार समोर आल्याने पोलिसांनी लाॅजवर छापा टाकून तरुणींची सुटका केली. याप्रकरणी लाॅज व्यवस्थापकाला अटक केली असून, व्यवस्थापकासह चौघांविरुद्ध गुन्हा दाखल केला आहे.
प्रकाश ज्ञानेश्वर गायकवाड (वय २४, सध्या रा. फलक इन लाॅज, लक्ष्मणनगर, बाणेर) असे अटक केलेल्याचे नाव आहे. याप्रकरणी बाळू सुभाष चौधरी, अजितसिंग जितेंद्रपाल गाढोके, दलाल रोशन यांच्याविरुद्ध गु्न्हा दाखल करण्यात आला. याबाबत पोलीस शिपाई रोहित पाथरूट यांनी बाणेर पोलीस ठाण्यात फिर्याद दिली आहे. त्यांनी दिलेल्या फिर्यादीनुसार, अनैतिक मानवी वाहतूक प्रतिबंधक कायद्यान्वये (पीटा) गुन्हा दाखल आहे.
पोलिसांनी दिलेल्या माहितीनुसार, बाणेरमधील लक्ष्मणनगर भागातील एका लाॅजमध्ये वेश्याव्यवसाय सुरू असल्याची माहिती पोलिसांनी मिळाली. आरोपींनी तरुणींना पैशांचे आमिष दाखवून त्याने देहविक्रय करण्यास प्रवृत्त केले. पोलिसांनी बनावट ग्राहकाच्या माध्यमातून खातरजमा केली. पोलिसांनी छापा टाकून लाॅजमधून तरुणींची सुटका केली. लाॅज व्यवस्थापकाला अटक करण्यात आली. वरिष्ठ पोलीस निरीक्षक चंद्रशेखर सावंत, गुन्हे शाखेच्या पोलीस निरीक्षक अलका सगर, सहायक निरीक्षक लामखेडे, केकाण आणि पथकाने ही कारवाई केली.
Web Summary : Pune police raided a Baner lodge, rescuing young women forced into prostitution. The lodge manager was arrested, and four individuals face charges under anti-trafficking laws. Police acted on a tip-off, confirming the illegal activity via a decoy operation.
Web Summary : पुणे पुलिस ने बानेर के एक लॉज पर छापा मारकर वेश्यावृत्ति के लिए मजबूर युवतियों को छुड़ाया। लॉज प्रबंधक को गिरफ्तार किया गया, और चार लोगों पर मानव तस्करी विरोधी कानूनों के तहत आरोप लगाए गए। पुलिस ने एक गुप्त अभियान के माध्यम से अवैध गतिविधि की पुष्टि की।