लोहगाव : येरवडा क्षेत्रीय कार्यालय निवडणूक अधिकारी कार्यालय परिसरात नगररोड क्षेत्रीय कार्यालयात पालिकेचा बिगारी कामगार निवडणूक प्रक्रियेत हस्तक्षेप करीत असल्याचे निवडणूक अधिकारी यांच्या निदर्शनात आणून देत आनंद गोयल यांनी लेखी तक्रार केली आहे. तसेच सदर कर्मचाऱ्यावर कारवाई करण्याची मागणी केली आहे. कारवाई होत नसेल तर आंदोलनाचा इशारा देण्यात आला आहे.
येरवडा क्षेत्रीय कार्यालय पालिकेच्या निवडणूक प्रभाग एक, दोन आणि सहा करिता कामकाज सुरू असताना सदर ठिकाणी नगररोड क्षेत्रीय कार्यालयातील पालिकेचा बिगारी कर्मचारी गळ्यात पालिकेचे ओळखपत्र घालून येणाऱ्या उमेदवारांमध्ये हस्तक्षेप करीत असल्याचे निदर्शनात आल्याचे निवडणूक निर्णय अधिकारी सचिन बारावकर यांच्या निदर्शनास आणून देत संबंधित कर्मचाऱ्यावर कारवाई करण्यात यावी, असे लेखी पत्र देण्यात आले आहे. कारवाई झाली नाही तर आंदोलनाचा इशारा देण्यात आला आहे.
त्या कर्मचाऱ्यावर कारवाई करण्यासाठी सहायक आयुक्त राजेश गुर्रम यांना कळविण्यात आले आहे. त्याचा निर्णय वरिष्ठ स्तरावर घेण्यात येईल. - सचिन बारावकर, निवडणूक निर्णय अधिकारी, येरवडा कळस धानोरी क्षेत्रीय कार्यालय
Web Summary : Complaint filed against a municipal worker for interfering in the PMC election process at Yerwada. Action demanded; protest threatened if no action is taken. Official says matter is being reviewed by senior officials.
Web Summary : येरवड़ा में पीएमसी चुनाव प्रक्रिया में हस्तक्षेप करने पर एक नगरपालिका कर्मचारी के खिलाफ शिकायत दर्ज की गई। कार्रवाई की मांग; कार्रवाई न होने पर विरोध की धमकी। अधिकारी का कहना है कि वरिष्ठ अधिकारी मामले की समीक्षा कर रहे हैं।