PMC Election 2026: पुण्यात पैसे वाटप करताना राष्ट्रवादी उमेदवार पुत्रासह १५ जण अटक

- या प्रकरणातील नीलेश साहेबराव मतदानासाठी नागरिकांना प्रलोभन दाखवून पैसे वाटप केल्याचा गंभीर प्रकार उघडकीस

बाणेर :पुणे महानगरपालिकेच्या सार्वत्रिक निवडणुकीच्या पार्श्वभूमीवर बाणेर-पाषाण परिसरात मतदानासाठी नागरिकांना प्रलोभन दाखवून पैसे वाटप केल्याचा गंभीर प्रकार उघडकीस आला आहे. या प्रकरणी बाणेर पोलिस ठाण्यात माजी नगरसेवकाच्या पुत्रासह एकूण १५ जणांविरुद्ध गुन्हा दाखल करण्यात आला आहे.याबाबत बाणेर पोलिस ठाण्यात गुर.नं. ०२/२०२६ नुसार भारतीय न्याय संहिता कलम १७१, १७४ व २२३ अन्वये गुन्हा नोंदविण्यात आला आहे. या प्रकरणातील फिर्यादी नीलेश साहेबराव मतदानासाठी नागरिकांना प्रलोभन दाखवून पैसे वाटप केल्याचा गंभीर प्रकार उघडकीस बेलदार (वय ४५), पोलिस शिपाई, खंडणी विरोधी पथक, गुन्हे शाखा पुणे शहर आहेत. पाषाण पोलिसांनी दिलेल्या माहितीनुसार, २ जानेवारी रोजी रात्री १० वाजण्याच्या सुमारास रानमळा हॉटेलच्या मागे, साईनगर, सोमेश्वरवाडी, परिसरात हा प्रकार घडला.आरोपी किरण बाबूराव चांदेरे (रा. वीरभद्र नगर, बाणेर) व इतर १४ जणांनी पुणे महानगरपालिकेच्या प्रभाग क्रमांक ९ मधील राष्ट्रवादी पक्षाच्या उमेदवारांना मतदान करण्यासाठी नागरिकांना प्रलोभन दाखविले असल्याचे तपासात निष्पन्न झाले आहे. या प्रकरणी बाणेर पोलिस ठाण्याचे सहायक पोलिस निरीक्षक गणेश रायकर यांनी गुन्हा दाखल केला असून पुढील तपास पोलिस निरीक्षक (गुन्हे) अलका सरग करत आहेत. निवडणूक काळात अशा प्रकारच्या बेकायदेशीर कृत्यांवर पोलिसांची कडक नजर असल्याचा असल्याचे सांगितले. निवडणूकीत उमेदवारांकडून किंवा त्यांच्या समर्थकांकडून पैसे वाटणे, प्रलोभन देण्याचे प्रकार दिसल्यास पोलिसांना संपर्क करण्याचे आवाहन करण्यात आले.