पुणे : रस्ता ओलांडणाऱ्या पादचाऱ्याचा पीएमपीच्या धडकेत मृत्यू झाल्याची घटना गुुरुवारी रात्री स्वारगेट मेट्रो स्थानकासमोर घडली. अपघातात मृत्युमुखी पडलेल्या पादचाऱ्याची ओळख पटलेली नाही. या प्रकरणी रात्री उशिरा पीएमपी चालकाविरोधात गुन्हा दाखल करण्यात आला. कात्रजहून स्वारगेटकडे निघालेली पीएमपी बस स्वारगेट मेट्रो स्थानकासमोरून निघाली होती. त्यावेळी पादचारी रस्ता ओलांडत होता. पीएमपीच्या चाकाखाली पादचारी सापडल्याने त्याचा मृत्यू झाला.
अपघाताची माहिती मिळताच स्वारगेट पोलिस ठाण्याचे वरिष्ठ पोलिस निरीक्षक यशवंत निकम यांनी घटनास्थळी भेट दिली. अपघातात मृत्युमुखी पडलेल्या पादचाऱ्याची ओळख पटलेली नाही. त्याची ओळख पटविण्याचे काम पोलिसांकडून करण्यात येत आहे. पोलिसांनी पीएमपी चालकाला ताब्यात घेतले. चौकशीत पादचारी रस्ता ओलांडत असताना पळत होता. अचानक पीएमपी बसच्या मागच्या चाकाखाली तो सापडला, अशी माहिती पीएमपी चालकाने पोलिसांना दिली. पोलिसांनी स्वारगेट परिसरातील सीसीटीव्ही कॅमेऱ्यांचे फुटेज तपासले असून, पुढील तपास स्वारगेट पोलिस करत आहेत.
Web Summary : A pedestrian died near Swargate Metro station after being hit by a PMP bus. The pedestrian was running while crossing the road and was caught under the bus's rear wheel. Police are investigating the incident and have detained the bus driver.
Web Summary : पुणे के स्वारगेट मेट्रो स्टेशन के पास सड़क पार कर रहे एक पैदल यात्री को पीएमपी बस ने टक्कर मार दी, जिससे उसकी मौत हो गई। पैदल यात्री सड़क पार करते समय दौड़ रहा था और बस के पिछले पहिये के नीचे आ गया। पुलिस मामले की जांच कर रही है और बस चालक को हिरासत में ले लिया है।