Pune Marathi News | पुणे मराठी बातम्या | Latest Pune News in Marathi | पुणे समाचार | Pune Crime Marathi News| Breaking & Live Pune News Headlines | Today's Pune News Paper

पुणे : कोरोना विषाणूचा उद्रेक होऊ नये यासाठी राज्यभर गर्दी टाळण्याचे, व्यवसाय बंद ठेवण्याचे, खासगी कंपन्यांना ‘वर्क फ्रॉम होम’ची सुविधा देण्याचे आदेश लागू झाले आहेत. जास्तीत जास्त नागरिकांनी घरीच थांबण्याचे आवाहन केले जात आहे. दुसरीकडे, कोरोनाचा प्रादुर्भाव टाळण्यासाठी डॉक्टर आणि वैैद्यकीय क्षेत्रातील सर्व कर्मचारी मात्र ‘फ्रंटफूट’वर तत्परतेने कार्यरत आहेत. राज्यभरातील कोरोनाचा प्रसार रोखण्यासाठी शासकीय यंत्रणा तातडीने कामाला लागली आहे. सरकारी रुग्णालयांप्रमाणेच सर्वच डॉक्टर , नर्स, डॉक्टरेतर कर्मचारी रुग्णांच्या सेवेसाठी २४ तास कार्यतत्पर राहताना दिसत आहेत. शासनाच्या मार्गदर्शक सूचनांनुसार, सर्व प्रकारची खबरदारी घेऊन वैैद्यकीय क्षेत्राचा कोरोनाविरुद्धचा लढा सुुरु आहे. यानिमित्ताने तरी समाजातील डॉक्टरांबद्दलचे नकारात्मक वातावरण कमी व्हावे आणि त्यांच्या कार्याची दखल घेतली जावी, अशी अपेक्षा वैैद्यकीय क्षेत्रामधून व्यक्त होत आहे.अनेकदा रुग्णाचे हॉस्पिटलमध्ये निधन, उपचारावरील अविश्वास यामुळे नातेवाईक संतप्त होतात. यातूनच रुग्णालयांमध्ये तोडफोड केल्याच्या, डॉक्टरांना मारहाण केल्याच्या घटना घडतात. अशा घटनांमुळे डॉक्टर आणि रुग्ण यांच्यातील दरी दिवसेंदिवस वाढत जाते. या पार्श्वभूमीवर कोरोनाच्या निमित्ताने डॉक्टरांची कार्यतत्परता अधोरेखित होत आहे. त्यामुळे समाजामधील त्यांच्याबद्दलचा आकस कमी व्हावा, अशा स्वरुपाचे आवाहन करण्यात येत आहे.---------कोरोनाच्या पार्श्वभूमीवर सर्व सरकारी रुग्णालयांमध्ये डॉक्टर, नर्स, इतर कर्मचारी आपापल्या प्रोटोकॉलप्रमाणे चांगले काम करत आहेत. अशा परिस्थितीत सर्व पदाधिकारी, तसेच नागरिकांनी वैैद्यकीय क्षेत्राला सहकार्य करण्याची गरज आहे. एखादी दुर्दैवी घटना घडली की डॉक्टरांवर हल्ले होतात. त्याबाबत आता कायदाही मंजूर झाला आहे. मात्र, सामान्यांनी थेट डॉक्टरांव हल्ले न चढवता परिस्थितीची खातरजमा करावी. सध्या सर्वच स्तरांवर शासकीय यंत्रणा कोरोनाचा सामना करत आहे. अशा परिस्थितीत नागरिकांचे सहकार्य गरजेचे आहे.- डॉ. रामचंद्र हंकारे, आरोग्यप्रमुख, पुणे महानगरपालिका------------आयएमएच्या माध्यमातून कोरोना विषाणूच्या प्रादुर्भावाबाबत जनजागृतीचे प्रयत्न सुरू आहेत. सामान्यांच्या प्रश्नांना उत्तरे, अफवाविरोधी मोहीम असे उपक्रम हाती घेण्यात आले आहेत. कोणताही साथीचा रोग आला की त्याचा सामना करण्यासाठी डॉक्टर अहोरात्र झटत असतात. त्यांच्या कामाची समाजाकडून दखल घेतली जाणे अपेक्षित आहे. - डॉ. अविनाश भोंडवे, अध्यक्ष, महाराष्ट्र राज्य, आयएमए------------सरकारी आणि खासगी वैद्यकीय यंत्रणेत संवाद हवाकोरोनाबाबतचे शासनाचे धोरण, त्यांच्याकडून देण्यात येणारे आदेश याबाबत राज्याच्या आरोग्य विभागाकडून खासगी डॉक्टरांशी कोणताही संवाद साधण्यात आलेला नाही. खासगी डॉक्टर शासनाला पूर्णपणे सहकार्य करण्यास तयार आहेत. पुढील काही काळामध्ये सर्वांनी एकत्र येऊन काम करण्याची गरज भासणार आहे. त्यामुळे, पुढील दोन-तीन दिवसांमध्ये आरोग्य मंत्री राजेश टोपे यांची भेट घेणार असल्याचे डॉ. भोंडवे यांनी ‘लोकमत’ला सांगितले.

Pune (Marathi News)

इंटरनेटच्या साह्याने व्हॉट्सअ‍ॅपसह विविध समाजमाध्यमांचा वापर ...

पुणे व पिंपरी-चिंचवड परिसरात कोरोना ‘पॉझिटीव्ह’ रुग्णांची संख्या दिवसेंदिवस वाढते आहे. ...

घशातील द्रव पदार्थाच्या नमुन्याची तपासणी एनआयव्हीसह देशातील ५० हून अधिक प्रयोगशाळांमध्ये सुविधा ...

फिलिपीन्स, स्कॉटलंडहून आलेल्या प्रवाशांचे रिपोर्ट पॉझिटिव्ह ...

अलीकडे वाढत्या शहरीकरणामुळे चिमण्यांची संख्या झपाट्याने होत आहे कमी ...

कोरोनामुळे पुण्यात अघोषित जमावबंदी लागू ...

सर्वच डॉक्टर, नर्स, डॉक्टरेतर कर्मचारी रुग्णांच्या सेवेसाठी २४ तास कार्यतत्पर ...