Pune Marathi News | पुणे मराठी बातम्या | Latest Pune News in Marathi | पुणे समाचार | Pune Crime Marathi News| Breaking & Live Pune News Headlines | Today's Pune News Paper

लोकमत न्यूज नेटवर्कपुणे : लॉकडाऊनच्या काळातही नियमित मिळकतकर भरून महापालिकेला आर्थिक हातभार लावणाऱ्या पुणेकरांना, महापालिकेने सन २०२१-२२ च्या वर्षासाठी निवासी मिळकतकरात सरसकट १५ टक्के सवलत देऊ केली आहे़ १ एप्रिल, २०२१ ते ११ मे,२०२१ या दोन महिन्यांत मिळकतकर भरणाऱ्यांनाच ही कर सवलत लागू राहणार आहे़महापालिका आयुक्तांनी आगामी वर्षाकरिता सुचविलेली ११ टक्के मिळकतकर करवाढ फेटाळतानाच, आगामी निवडणुकींच्या पार्श्वभूमीवर सत्ताधाऱ्यांसह सर्व पक्षांनी एकत्र येऊन सर्वसाधारण सभेत उपसूचनेव्दारे निवासी मिळकतकरात सवलत देत पुणेकरांना खूष केले आहे़पुणे महापालिकेची सर्वसाधारण सभा गुरुवारी आॅनलाईन झाली़ या सभेत स्थायी समितीने सन २०२१-२२ या आर्थिक वर्षासाठी कोणतीही करवाढ न करण्याचा प्रस्ताव मान्यतेसाठी ठेवला होता़ हा प्रस्ताव मान्य करतानाच विरोधी पक्षाच्या सदस्यांनी थकबाकीदारांसाठी महापालिका अभय योजना राबवित असेल तर, प्रामाणिकपणे मिळकतकर भरणाऱ्या पुणेकरांनाही सवलत देण्याची मागणी केली़ यावर सुमारे पाऊण तास सत्ताधारी, विरोधी पक्ष व प्रशासन यांच्यामध्ये चर्चा झाली़ अखेरीस राज्य शासनाचे चार कर वगळून महापालिका आकारत असलेल्या सर्व साधारण कर, सफाई पट्टी, वृक्ष कर, रस्ता कर, जलनिस्सारण कर, मलनिस्सारण कर, अग्निशमन कर, शिक्षण उपकर आणि विशेष सफाई कर आदी दहा करांमध्ये प्रामाणिकपणे मिळकतकर भरणाऱ्यांना १५ टक्के सवलत देण्याच्यी उपसूचना एकमताने मान्य करून, प्रशासनाची ११ टक्के मिळकतकरवाढ फेटाळत १५ टक्के सवलतीचा निर्णय घेण्यात आला़--------------------------चौकट १ :-सर्वच करात सवलत मिळणारमहापालिकेकडून यापूर्वी नियमित कर भरणाऱ्या निवासी मिळकतकरधारकांना २५ हजारांपर्यंत कर रक्कम असल्यास १० टक्के सवलत, तर २५ हजारांच्या पुढे कर रक्कम असल्यास ५ टक्के सवलत सर्वसाधारण करात देण्यात येत होती़ आता १ एप्रिल,२०२१ पासून ३१ मे,२०२० पर्यंत सन २०२१-२२ चा मिळकतकर भरणाऱ्यांना शासनाचे कर वगळता महापालिकेच्या सर्वच करात रकमेची अट काढून सरसकट १५ टक्के सवलत देण्यात येणार आहे़----------------------

Pune (Marathi News)