Pune Marathi News | पुणे मराठी बातम्या | Latest Pune News in Marathi | पुणे समाचार | Pune Crime Marathi News| Breaking & Live Pune News Headlines | Today's Pune News Paper

भिगवण ( पुणे ): ठाणे पोलीस शहर दलात कार्यरत असलेले महेश मच्छिंद्र मोरे वय (२७) या पोलिस कर्मचाऱ्याचे गुरुवारी (दि.३) रोजी पहाटे शारीरिक कसरतीसाठी गेले असताना निधन झाले. महेश मोरे हा युवक अथक व खडतर परिश्रम करून ठाणे शहर पोलीस दलात २०१४ साली दाखल झाला होता. ठाणे शहर पोलीस दलातील क्वीक रिस्पॉन्स टीममध्ये कमांडो म्हणून तो कार्यरत होता. महेश हे पुण्यातील जिल्ह्यातील इंदापूर तालुक्यातील डिकसळ या गावचे होते. मोरे यांच्या जाण्यामुळे डिकसळ गावावर शोककळा पसरली आहे.गुरुवारी सकाळी सहा वाजण्याच्या सुमारास महेश साकेत येथील पोलीस मैदानात शारीरिक कसरतीसाठी गेला असताना कसरती दरम्यान खाली कोसळला. तेथे उपस्थित असणाऱ्यांनी त्याला उपचारासाठी कळवा येथील छत्रपती शिवाजी महाराज रुग्णालयात दाखल केले. परंतु रुग्णालयामध्ये दाखल होण्यापूर्वी वाटेतच महेशचा मृत्यू झाला असल्याची माहिती ड्युटीवर उपस्थित असणाऱ्या डॉक्टरांनी दिली.शवविच्छेदन केल्यानंतर मोरे यांच्या पार्थिवाला ठाणे शहर मुख्यालयात पोलीस आयुक्त जयवंत सिंह यांनी शासकीय इतमात मानवंदना दिली. गुरुवारी संध्याकाळी साडेनऊ वाजता महेश मोरे याच्या डिकसळ ( ता.इंदापुर जि. पुणे ) येथे मुळ गावी पुणे ग्रामीणच्या पोलीस जवानांनी बंदुकीच्या तीन फैरी झाडून मानवंदना देत शासकीय इतमामात पार्थिवावर अंत्यसंस्कार करण्यात आले. यावेळी परिसरातील नागरिक मोठ्या संख्येने अंत्यविधीसाठी उपस्थित होते .

Pune (Marathi News)

राज्य मागासवर्ग आयोगाचे सध्या अहवाल बनवण्याचे काम सुरू आहे. ...

कोयत्याने मारहाण करुन लॅपटॉप, रोख रक्कम जबरदस्तीने चोरुन नेली ...

दोन दिवस आधीच तो या ठिकाणी आला होता... ...

शहरात दिवसभरात ३ हजार ३७४ जणांनी कोरोनावर मात केली आहे... ...

पिंपरी : 'हमे तुम पसंत हो, तुमने हमारे बारे में पप्पा को क्यूँ बताया, म्हणत कामावर जाणाऱ्या तरुणीचा पाठलाग करत ... ...

शहरात फ्लेक्सबाजीवरून एकमेकांना उत्तर देणे हे राजकीय वर्तुळात आधीपासूनच चालत आहे ...

महेश हे पुण्यातील जिल्ह्यातील इंदापूर तालुक्यातील डिकसळ या गावचे होते... ...