पुणे : जिल्ह्यातील मुलींनी दरवर्षीप्रमाणे यंदाही इयत्ता दहावीच्या निकाला मुलांना मागे टाकले आहे. विशेष म्हणजे पुणे शहरासह वेल्हा व मुळशी तालुक्यामध्ये उत्तीर्ण झालेल्यांमध्ये मुलींची संख्या मुलांपेक्षा अधिक आहे. तसेच वेल्हा तालुक्यातील परीक्षा दिलेल्या सर्व ३३७ मुली उत्तीर्ण झाल्या आहेत. जिल्ह्यातील मुलींची उत्तीर्णतेची टक्केवारी ९८.६२ तर मुलांची ९७.२७ एवढी आहे.
पुणे जिल्ह्यात एकुण १ लाख २५ हजार १६९ विद्यार्थ्यांनी परीक्षेसाठी नोंदणी केली होती. त्यापैकी १ लाख २४ हजार ७६२ विद्यार्थ्यांनी परीक्षा दिली. त्यामध्ये मुलींची संख्या ५९ हजार ६९७ एवढी आहे. एकुण १ लाख २२ हजार १७५ विद्यार्थी उत्तीर्ण झाले असून जिल्ह्याचा निकाल ९७.९३ टक्के लागला आहे. आंबेगाव तालुक्याचा निकाल सर्वाधिक ९८.५४ टक्के लागला असून २९०२ विद्यार्थी उत्तीर्ण झाले आहेत. तर सर्वात कमी ९६.७४ टक्के निकाल इंदापुर तालुक्याचा आहे.
--------------
वेल्ह्यातील सर्व मुली उत्तीर्ण
दुर्गम तालुका असलेल्या वेल्ह्यामध्ये एकुण ६६२ विद्यार्थ्यांनी परीक्षा दिली होती. त्यामध्ये ३३७ मुली आहेत. या सर्व मुली उत्तीर्ण झाल्या आहेत. तर ३२५ मुलांपैकी ३१२ मुले उत्तीर्ण झाली आहे. परीक्षेसाठी मुलींचीच नोंदणी अधिक होती. वेल्ह्याप्रमाणेच मुळशी तालुक्यातही मुलींची नोंदणी अधिक होती. परीक्षा दिलेल्या एकुण २९०३ विद्यार्थ्यांपैकी १४५८ मुली होत्या. त्यापैकी १४३३ मुली उत्तीर्ण झाल्या आहेत.
---------------
पुणे शहरातही मुलींची बाजी
पुणे शहरामध्ये एकुण ४६ हजार ६३ विद्यार्थ्यांनी परीक्षा दिली होती. त्यापैकी ४१ हजार ३५ विद्यार्थी उत्तीर्ण झाले असून त्यामध्ये २० हजार ८१७ मुली व २० हजार २१८ मुले आहेत. उत्तीर्णतेमध्ये मुलींची संख्या मुलींपेक्षा अधिक ठरली आहे. विशेष म्हणजे परीक्षा दिलेल्या एकुण विद्यार्थ्यांमध्ये मुलींच्या तुलनेत मुलांची संख्या जवळपास चार हजाराने अधिक होती. तरीही यश मिळालेल्या विद्यार्थ्यांमध्ये मुलींनी मुलांना मागे टाकले आहे.
-----------------------
जिल्ह्याचा तालुकानिहाय निकाल
तालुका परीक्षेला बसलेले उत्तीर्ण टक्केवारी
आंबेगाव २९४५ २९०२ ९८.५४
बारामती। ५९५५ ५८५९ ९८.३९
भोर २२१४ २१६५। ९७.७९
दौंड ५३८२ ५२१८ ९६.९५
हवेली १२६०६ १२३६१ ९८.०६
इंदापुर ६२०१ ५९९९ ९६.७४
जुन्नर। ५४०० ५२८० ९७.७८
खेड ६५५३ ६३४५ ९६.८३
मावळ। ४७९६ ४७०८ ९८.१७
मुळशी २९०३ २८२५ ९७.३१
पुरंदर २९३९ २८९४ ९८.४७
शिरूर ६०३७ ५९०५ ९७.८१
वेल्हा ६६२ ६४९ ९८.०४
पुणे शहर-पश्चिम १८८४९ १८५०३ ९८.१६
पुणे शहर-पुर्व २३०१४। २२५३२ ९७.९१
पिंपरी चिंचवड १८३०६ १८०३० ९८.४९
------------------------------------------------
एकुण १२४७६२। १२२१७५ ९७.९३
------------------------------------------------
जिल्ह्यातील मुले व मुलींची टक्केवारी
परीक्षेला बसलेले उत्तीर्ण टक्केवारी
मुली ५९६९७ ५८८७५ ९८.६२
मुले ६५०६५ ६३३०० ९७.२९
---------------------------------------
मुलींच्या उत्तीर्णतेत पहिले तीन तालुके
वेल्हा - १०० टक्के
आंबेगाव - ९९.३५
बारामीत - ९९.१५
---------------------
उत्तीर्णतेत मुलींची संख्या अधिक
मुले मुली
पुणे शहर २०,२१८ २०,८१७
वेल्हा ३१२ ३३७
मुळशी १३९२ १४३३
--------------------------