ओतूर - जुन्नर तालुक्यातील मुथाळणे घाटात मजुरांना घेऊन जाणारी पिकअप वाहन रविवार (दि.२२) रोजी सायंकाळी सुमारे सहाच्या सुमारास ‘एस कॉर्नर’ वळणावर पलटी झाल्याची घटना घडली. या अपघातात तब्बल ३७ जण जखमी झाले असून निवृत्ती सावळाराम मुठे हे गंभीर जखमी आहेत. सुदैवाने वाहन खोल दरीत न पडल्याने मोठी जीवितहानी टळली.
मिळालेल्या माहितीनुसार, जुन्नर तालुक्यातून मजुरांना त्यांच्या उंबरेवाडी व सातेवाडी येथील घरी घेऊन जाणारी (एमएच ४२ एम ५७३३) ही पिकअप मुथाळणे घाटातील धोकादायक ‘एस कॉर्नर’ वळणावर चालकाचे नियंत्रण सुटल्याने पलटी झाली. अपघाताच्या वेळी वाहनात मोठ्या संख्येने महिला मजूर असल्याचे सांगण्यात येत आहे. या अपघातात सुमारे ३७ जण जखमी झाले असून त्यापैकी ४ जण गंभीर जखमी आहेत. जखमींपैकी १६ जणांनी ओतूर येथील प्राथमिक आरोग्य केंद्रात उपचार घेतले. अपघातग्रस्तांमध्ये सुमारे ३५ महिला असल्याची माहिती स्थानिकांकडून मिळाली.
घटनेनंतर परिसरातील नागरिकांनी तत्काळ मदतकार्य राबवत जखमींना वाहनातून बाहेर काढले आणि उपचारासाठी रुग्णालयात हलवले. चालक ठकाराम कचरे याचे वाहनावरील नियंत्रण सुटल्याने अपघात झाल्याचे प्राथमिक तपासात निष्पन्न झाले आहे. या प्रकरणी पुढील तपास ओतूर पोलीस स्टेशनचे सहाय्यक पोलीस निरीक्षक लहू थाटे यांच्या मार्गदर्शनाखाली सुरू आहे.
Web Summary : A pickup truck carrying laborers overturned in Muthalne Ghat, Junnar, injuring 37. The accident occurred at an 'S' curve, with the vehicle narrowly avoiding a deep ravine. Sixteen injured individuals received treatment at Ootur Primary Health Center. Police are investigating the incident.
Web Summary : जुन्नर के मुथालने घाट में मजदूरों को ले जा रही एक पिकअप पलटने से 37 लोग घायल हो गए। दुर्घटना 'एस' मोड़ पर हुई, वाहन गहरी खाई में गिरने से बाल-बाल बचा। सोलह घायलों का ओतूर प्राथमिक स्वास्थ्य केंद्र में इलाज चल रहा है। पुलिस मामले की जांच कर रही है।