पुणे : महापालिका निवडणुकीत महाविकास आघाडी म्हणून एकत्र लढलो असतो तर वेगळा निकाल लागून महाआघाडीला ५४ ते ६७ जागा जिंकून आल्या असत्या. भाजपला सक्षम विरोधी पक्ष म्हणून पुणेकरांनी महाविकास आघाडीला मतदान केले असते, असा दावा काँग्रेसचे नगरसेवक प्रशांत जगताप यांनी पत्रकार परिषद केला. मी ज्यावेळी काँग्रेसमध्ये प्रवेश करण्याचे ठरवले त्यावेळी मला काँग्रेसमध्ये घेऊ नये यासाठी अनेकांनी प्रयत्न केल्याचा आरोपही त्यांनी केला.
जगताप म्हणाले, ‘राष्ट्रवादीचा (शरद पवार) शहराध्यक्ष असताना भाजपविरोधात शहरस्तरावर चांगली मोट बांधली होती; परंतु काही जणांनी त्यात खोडा घालण्याचा प्रयत्न केला. महाविकास आघाडीमधून लढलो तर पक्षाचे चाळीसच्या आसपास नगरसेवक निवडून येतील आणि महाविकास आघाडीतून बाहेर पडून दोन्ही राष्ट्रवादी एकत्र लढल्या तर पक्षाचे तीन ते आठ नगरसेवक निवडून येतील. महाविकास आघाडीतून बाहेर पडलेले लोकांना आवडणार नाही, हे मी काँग्रेसमध्ये जाण्यापूर्वीच सांगितले होते. महायुतीतील घटक पक्षाला मतदान करायचे असेल तर मग भाजपलाच मतदान केलेले काय वाईट ही लोकांची मानसिकता होती. त्यामुळे दोन्ही राष्ट्रवादी एकत्र आल्याने लोकांनी भाजपलाच मतदान केले.’
काँग्रेस कधीच भाजपसोबत जाणार नाही हे माहीत होते. त्यामुळे मी काँग्रेसमध्ये गेलो. काँग्रेसमध्ये गेल्यानंतरही मी माझे सहकारी असलेले ७ नगरसेवक निवडून आणले. त्यांना तेही जमले नाही. आपल्या वाटचालीत कोणी अडथळा निर्माण केला हे समोर येईल, असेही ते म्हणाले.
Web Summary : Prashant Jagtap claims Maha Vikas Aghadi could have secured 67 seats if they fought Pune's election together. He alleges attempts to block his Congress entry, criticizing Nationalist Congress Party's strategy for benefiting BJP.
Web Summary : प्रशांत जगताप का दावा है कि महा विकास अघाड़ी पुणे का चुनाव एक साथ लड़ती तो 67 सीटें जीत सकती थी। उन्होंने अपनी कांग्रेस में एंट्री रोकने के प्रयासों का आरोप लगाया और राष्ट्रवादी कांग्रेस पार्टी की रणनीति की आलोचना की, जिससे भाजपा को फायदा हुआ।