नऱ्हे : सिंहगड रस्ता येथील वडगाव परिसरात शुक्रवारी रात्री एका महिलेचा संशयास्पद मृत्यू झाल्याची माहिती पाेलिसांना मिळाली. या प्रकरणी पाेलिसांनी कसून चाैकशी केली असता नवऱ्यानेच गळा आवळून महिलेचा खून केला असल्याचे समाेर आले. याप्रकरणी पाेलिसांनी महिलेच्या नवऱ्याला अटक केली आहे.
सोनाली बाबु शेख,वय (३० वर्षे रा.रघुनंदन हॉल जवळील झोपडपट्टी, वडगाव बुद्रुक सिंहगड रोड) असे खून करण्यात आलेल्या महिलेचे नाव आहे. ही घटना शुक्रवारी सायंकाळी सहाच्या सुमारास रघुनंदन हॉल शेजारी देवी आईनगर झोपडपट्टी वडगांव येथे घडली. घटना समजताच पोलिसांनी घटनास्थळी धाव घेतली. अधिक चौकशी केली असता महिलेच्या पतीने येथील महामार्गालगत प्रथम हाताने मारहाण करीत गळा दाबून तिचे डोके जमिनीवर आपटून तिचा खून केला असल्याचे निष्पन्न झाले. याप्रकरणी महिलेचा पती बाबु राजू शेख (वय ३४ वर्षे) याच्यावर गुन्हा दाखल करून अटक करण्यात आली आहे.
सोनाली व तिचा पती बाबू हे दोघे बऱ्याच वर्षांपासून मुंबई बंगळुरू महामार्गालगत वारजे पुलाजवळ लहान मुलांसमवेत राहत होते. दोघेही भंगार गोळा करण्याचा व्यवसाय करीत होते, मात्र सोनालीला टीबीचा आजार होता व तिच्या पतीला दारूचे व्यसन असल्याने दोघांमध्ये घरगुती कारणांवरून बऱ्याच वेळेला वाद होत हाेता. शुक्रवारी सायंकाळी त्यांच्यात वाद झाल्याने पतीने मारहाण करून गेला आवळून त्यांनतर जमिनीवर डोकेही आदळल्याने त्यात तिचा मृत्यू झाला.