पुणे :पुणे–नाशिक महामार्गावर चालत्या एसटी बसमध्ये दोन तरुणांनी एसटी बस चालक–कंडक्टरला मारहाण केल्याचा व्हिडिओ सोशल मीडियावर व्हायरल झाला . ही धक्कादायक घटना खेड–मंचर मार्गावर घडली असून खेड घाटात एका थार गाडीने एसटी बसला आडवे थांबवून दोन तरुण थेट बसमध्ये शिरले. त्यांनी चालक आणि कंडक्टरला मारहाण करण्यास सुरुवात केली. यावेळी बसमध्ये १ ८ प्रवासी उपस्थित होते. अचानक सुरू झालेल्या हल्ल्यामुळे बसमध्ये ओरडाआरड झाली आणि प्रवाशांमध्ये भीतीचे वातावरण निर्माण झाले.
याबाबत मंचर आगार व्यवस्थापक वसंत अरगडे यांनी दिलेल्या माहितीनुसार, परळ आगाराची परळ साकोरी एसटी ( एम.एच १४ एल.एक्स ६०६५ ) बसचा वाहक अमित अरुण करपे, चालक भरत पांडुरंग बुगदे हे बसमध्ये १ ८ प्रवासी घेऊन जात होते. दरम्यान, पुणे - नाशिक महामार्गावर खेड घाटात एका थार चालक व बस चालकाची साईट देण्यावरून बाचाबाची झाली. त्यावेळी घटनास्थळी काही दुचाकी स्वार घटना पाहत होते. काही वेळानंतर थार चालक गाडी घेऊन निघून गेला मात्र थोड्या वेळात त्या ठिकाणी असलेल्या दुचाकीवरील दोन युवक एसटीचा दरवाजा उघडून बसमध्ये शिरून त्यांनी बस चालक भरत बुगदे यास लाकडी दांडक्याने मारहाण करण्यास सुरुवात केली. त्यावेळी बसमधील असलेला प्रवासी रफिक मोमीन यांनी भांडण सोडवण्याचा प्रयत्न केला मात्र त्यालाही मारहाण करण्यात आली. त्यावेळी बस वाहक असलेले अमित करपे यांनी बस चालकास बसचा दरवाजा बंद करून गाडी पोलीस स्टेशनला घेण्याची सूचना केली. त्यानंतर चालकाने गाडी चालू करत मंचर बस स्थानकावर आणली, असता त्या ठिकाणी उपस्थित असलेल्या वीस ते पंचवीस जणांच्या टोळक्याने बसमध्ये घुसण्याचा प्रयत्न केला परंतु चालकाने बस मंचर पोलीस ठाण्यात नेऊन सदर घटनेची माहिती दिली. दरम्यान, अचानक घडलेल्या घटनेमुळे काही काळ बसमधील प्रवाशांमध्ये भीतीचे वातावरण निर्माण झाले होते. बस चालकास मारहाण केल्याचा व्हिडिओ सोशल मीडियावर मोठ्या प्रमाणात व्हायरल झाल्यामुळे दहशत निर्माण करणाऱ्या या तरुणांवर कायदेशीर कारवाई व्हावी अशी मागणी होत आहे. दरम्यान, या प्रकरणी मंचर पोलीस ठाण्यात अद्याप कुठलीही तक्रार दाखल झाली नसून सदरचा वाद हा आपापसात मिटवला असल्याचे मंचर पोलीस ठाण्याचे पोलीस निरीक्षक श्रीकांत कंकाळ यांनी सांगितले.
Web Title : Thuggery on Pune-Nashik Highway: Goons Assault Bus Driver, Conductor
Web Summary : Two young men assaulted a bus driver and conductor on the Pune-Nashik highway, creating terror among passengers. The incident occurred near Khed-Manchar after a Thar blocked the bus. A senior passenger's attempt to intervene failed. No police case has been filed yet, causing public outrage.
Web Title : पुणे-नासिक राजमार्ग पर गुंडागर्दी: बस ड्राइवर, कंडक्टर पर हमला
Web Summary : पुणे-नासिक राजमार्ग पर दो युवकों ने बस ड्राइवर और कंडक्टर पर हमला किया, जिससे यात्रियों में दहशत फैल गई। घटना खेड़-मंचर के पास हुई जब एक थार ने बस को रोका। एक वरिष्ठ यात्री का हस्तक्षेप विफल रहा। अभी तक कोई पुलिस मामला दर्ज नहीं हुआ है, जिससे जनता में आक्रोश है।