पुणे : रविवारी मुंबईत सुरू असलेल्या मुसळधार पावसामुळे रेल्वेसेवा कोलमडली आहे. पुणे - मुंबई दरम्यान धावणाऱ्या बहुतांश गाडया रद्द करण्यात आल्या आहेत.यात इंद्रायणी,डेक्कन व डेक्कन क्वीन एक्सप्रेसचा समावेश आहे. मध्य रेल्वेने जवळपास १६ गाडया रद्द केल्या आहेत. तर १७ गाड्यांच्या शेवटच्या स्थानकात बदल केला आहे. गेल्या दोन दिवसांपासून मुंबई व परिसरात मुसळधार पाऊस पडत आहे. उपनगरीय स्थानकावरील रुळांवर मोठया प्रमाणात पाणी साचल्याने गाड्यांना रद्द तर काही गाड्याच्या वेळा बदलण्यात आले आहे. या गाडया रद्द
पुणे - मुंबई : डेक्कन क्वीन एक्सप्रेस, डेक्कन एक्सप्रेस, इंद्रायणी एक्सप्रेस तसेच मुंबई - जालना , मुंबई - मनमाड ,मुंबई - मडगाव एक्सप्रेस,मुंबई - कोल्हापूर या गाड्याच्या अप - डाऊन दोन्ही फेऱ्या रद्द करण्यात आल्या आहेत.
ह्या गाडया पुण्यापर्यंत धावल्या
सोलापूर - मुंबई सिद्धेश्वर एक्सप्रेस, कोल्हापूर - मुंबई एक्सप्रेस, हुबळी - मुंबई एक्सप्रेस, पंढरपूर - दादर एक्सप्रेस, बिदर - मुंबई एक्सप्रेस या गाड्यांच्या मुंबई पर्यत न जाता पुणे स्थानकापर्यंतच धावल्या. त्याचा परतीचा प्रवास पुणे स्थानकावरून सुरू झाला. अशा एकूण १७ गाड्यांच्या शेवटच्या स्थानकात बदल केला.