मंगळुरूच्या प्रवाशांसाठी खुषखबर!; हिवाळा अन् नाताळनिमित्त चार विशेष रेल्वे गाड्या

पुणे-मंगळुरू मार्गावर हिवाळा व नाताळनिमित्त मध्य रेल्वेच्या पुणे विभागाने २६ डिसेंबर ते ३ जानेवारी चार विशेष रेल्वे गाड्या चालविण्याचा निर्णय घेतला आहे.

ठळक मुद्दे२६ डिसेंबर ते ३ जानेवारी चार विशेष रेल्वे गाड्या चालविण्याचा निर्णयमध्य रेल्वेच्या पुणे विभागातर्फे हिवाळा व नाताळनिमित्त विशेष रेल्वे गाड्या

पुणे : मध्य रेल्वेच्या पुणे विभागातर्फे हिवाळा व नाताळनिमित्त होणाऱ्या प्रवाशांच्या गर्दीमुळे पुणे-मंगळुरू मार्गावर २६ डिसेंबर ते ३ जानेवारी चार विशेष रेल्वे गाड्या चालविण्याचा निर्णय घेतला आहे. पुणे स्थानकाहून २६ डिसेंबर व २ जानेवारी रोजी संध्याकाळी ६ वाजून ५० मिनिटांनी मंगळुरूसाठी विशेष गाडी प्रस्थान करणार आहेत.  दुसऱ्या दिवशी दुपारी १२ वाजून ३० मिनिटांनी मंगळुरू येथे पोहचणार असून तेथून २७ डिसेंबर व ३ जानेवारी रोजी दुपारी ३ वाजून ४५ मिनिटांनी पुण्याकडे प्रस्थान करणार आहेत. या गाड्या दुसऱ्या दिवशी दुपारी १ वाजून १० मिनिटांनी पुण्यात पोहचणार आहेत. या गाड्या लोणावळा, पनवेल, रोहा, खेड, चिपळून, रत्नागिरी, कणकवली, कुडाल, थिविम, मडगाव, कारवार, कुमटा, कुंदापुरा, उड्डपी आणि मुल्की या रेल्वे स्थानकावर थांबणार आहेत.