पुणे: पुणे पोलीस आयुक्तालय, येरवडा पोलीस स्टेशन आणि शाहदावल बाबा दर्गा कमिटी यांच्या वतीने सर्वधर्मसमभाव कार्यक्रम आयोजित करण्यात आला होता. पोलीस आयुक्त अमिताभ गुप्ता यांच्या हस्ते बाबांच्या गादी समोर गणपती आरती करण्यात आली.
तसेच सर्वधर्मसमभाव या अनुषंगाने भजन, कीर्तने, वासंतिक ओटी पूजा आणि रोजा इफ्तार या कार्यक्रमाचे आयोजन करण्यात आले होते. असंख्य हिंदू - मुस्लिम बांधवांनी कार्यक्रमाला हजेरी लावली होती. रोजा इफ्तार कार्यक्रमात बंधू भगिनी एकमेकांना घास भरवताना दिसून आले. लहान मुले, महिला, ज्येष्ठ नागरिक सर्वांच्या उपस्थितीत हा आनंदी सोहळा पार पडला.