पुणे : कोरोना विषाणूच्या पार्श्वभूमीवर पुणे स्मार्ट सिटीने महापालिकेच्या सहकार्याने सुरू केलेल्या वॉर रूम (डॅश बोर्ड) प्रणालीची कार्यपद्धती, उपमुख्यमंत्री अजित पवार यांनी जाणून घेऊन पुढील नियोजनाबाबत सूचना केल्या. यावेळी त्यांनी कोरोना प्रतिबंधासाठी करण्यात येणाऱ्या कामांना निधी कमी पडू देणार नसल्याचेही सांगितले.वॉर रूममधील संगणकीय प्रणालीव्दारे, कोरोनाबाधित रुग्ण, शहरातील बाधित क्षेत्र, वाढत असलेला परिसर याबाबतची अद्ययावत माहिती संकलन व विश्लेषण मांडले गेले आहे. त्यामुळे पुढील उपाययोजना करणे सोपे असून, अगदी सुरुवातीपासूनची माहिती या ठिकाणी मिळू शकते, अशी माहिती मनपा आयुक्त शेखर गायकवाड तसेच अतिरिक्त मनपा आयुक्त व पुणे स्मार्ट सिटीच्या सीईओ रुबल अग्रवाल यांनी यावेळी दिली. महापौर मुरलीधर मोहोळ, जिल्हाधिकारी नवल किशोर राम, अतिरिक्त मनपा आयुक्त शंतनू गोयल, आरोग्यप्रमुख डॉ़ रामचंद्र हंकारे आदी याप्रसंगी उपस्थित होते.
'उपमुख्यमंत्र्यांचा शब्द'; कोरोना प्रतिबंधासाठी निधी कमी पडू देणार नाही..
By ऑनलाइन लोकमत | Updated: May 22, 2020 18:46 IST
एखाद्या कोरोनाबाधित नागरिकांचा फोन आला तर तात्काळ रुग्णवाहिका पोहचली पाहिजे.
'उपमुख्यमंत्र्यांचा शब्द'; कोरोना प्रतिबंधासाठी निधी कमी पडू देणार नाही..
ठळक मुद्देकोरोनाबाधित रुग्ण, शहरातील बाधित क्षेत्र, याबाबतची अद्ययावत माहिती संकलन व विश्लेषण