राजगुरूनगर: रेटवडी ( ता खेड ) येथे वडिलांबरोबर शेतात गेलेल्या नऊ वर्षीय मुलावर बिबट्याने हल्ला केला, पण वडिलांच्या प्रसंगावधानामुळे मुलाचा जीव वाचला.या घटनेमुळे स्थानिक नागरिकांमध्ये भीतीचे वातावरण निर्माण झाले आहे. आणि वन विभागाकडून बिबट्यांचा बंदोबस्त करण्याची मागणी होत आहे.
रेटवडी येथील कोल्हेवस्ती, सतारकावस्ती या परिसरात गेल्या चार महिन्यापासून तीन चार बिबट्याचा वावर आहे. गुरुवारी (दि. २३ रोजी ) दुपारी शेतात स्वराज दत्तात्रय जाधव हा वडिलांबरोबर शेतात फुले तोडण्यासाठी गेला होता. अचानक बिबट्याने हल्ला केला. वडिलांच्या प्रसंगावधानामुळे शेतात असलेले फावडीने बिबट्याच्या तावडीतुन मुलाला सोडवले. स्वराजचा मानेवर ,गळ्यावर खोलवर गंभीर जखमा झाल्या आहे. तात्काळ चांडोली येथील ग्रामीण रुग्णालयात मुलाला हलवण्यात आले. पुढील उपचाराचा साठी पिंपरी येथील वायसीएम रुग्णालयात दाखल करण्यात आले आहे. रेटवडी परिसरात बिबट्याचा वावर वाढला असल्याने ग्रामस्थांना व शाळेतील मुलांना शाळेत जा -ये करण्यासाठी भीतीचे वातावरण तयार झाले आहे. बिबटे शेतकऱ्यांच्या पशुधनावर हल्ला करत आहे. बिबट्यांच्या बंदोबस्त करावा असे वन विभागाला कित्येक वेळा परिसरातील ग्रामस्थांनी सांगितलेले असताना सुद्धा वन विभागाने याकडे दुर्लक्ष दिल्याने ग्रामस्थाचा वन विभागाच्या विरोधात रोष दिसून येत आहे.
Web Summary : In Retwadi, a father saved his 9-year-old son from a leopard attack using a shovel. The boy sustained serious injuries and is hospitalized. Locals demand increased action from forest department due to frequent leopard sightings, causing fear among residents.
Web Summary : खेड के रेटवडी में, एक पिता ने अपने 9 वर्षीय बेटे को तेंदुए के हमले से फावड़े से बचाया। लड़के को गंभीर चोटें आई हैं और उसे अस्पताल में भर्ती कराया गया है। तेंदुए के लगातार दिखने से स्थानीय लोग वन विभाग से कार्रवाई की मांग कर रहे हैं।