पुणे : दौंड-पाटस महामार्गावर उसाने भरलेल्या ट्रॅक्टरला पाठीमागून दुचाकीची धडक बसुन तीन तरुणांचा जागीच मृत्यू झाल्याची धक्कादायक घटना घडली आहे. गणेश बापू शिंदे (वय 24 काष्टी), ऋषिकेश महादेव मोरे (वय 23 काष्टी) स्वप्नील सतीश मनोचार्य (वय 24 काष्टी) अशी मृत्यू पावलेल्या तरुणांची नावे आहेत.
मिळालेल्या माहितीनुसार, दौंड-पाटस महामार्गावर भीषण अपघात घडला आहे. रात्रीच्या वेळी उसाने भरलेल्या ट्रॉलीला पाठीमागून दुचाकीची धडक दिली. या अपघातात तीन तरुणांचा जागीच मृत्यू झाल्याची दुर्दैवी घटना घडली आहे. ट्रॅक्टरच्या ट्रॉलीला रिफ्लेक्टर नसल्याने हा अपघात झाल्याची धक्कादायक माहिती समोर आली आहे. उसाच्या ट्रॉलीला रिफ्लेक्टर बसविण्यासाठी पोलिसांकडून अनेक वेळा जनजागृती केली जाते. तरीही ट्रॅक्टर चालक दुर्लक्ष करीत असल्याने रात्रीच्या वेळी ट्रॅक्टरचा अंदाज न आल्याने अपघात होत आहेत.