काॅंग्रेसच्या विजयाने पुणे शहर कार्यालयात जल्लाेष

मध्यप्रदेश, राजस्थान, मिझाेराम या विधानसभा निवडणुकांमध्ये काॅंग्रेसने माेठे यश मिळवल्याने काॅंग्रेसच्या शहर कार्यालयात जल्लाेष करण्यात अाला.

पुणे : राजस्थान, छत्तीसगढ आणि मध्यप्रदेश या राज्यांच्या विधानसभा निवाडणुकांध्ये काँग्रेसला यश मिळाल्याने काँग्रेस कार्यकर्त्यांकडून पुण्यातील शिवाजीनगर कार्यालयात जल्लोष करण्यात आला. ढोल ताश्यांच्या गजरात आनंद साजरा करण्यात आला. तर दुसरीकडे भाजपच्या कार्यालयात शुकशुकाट पाहायला मिळाला.

    राजस्थान, मध्यप्रदेश, छत्तीसगड, मिझोराम, तेलंगणा या राज्यांच्या विधानसभा निवडणुकीचा निकाल आज जाहीर झाला. यातील तिन राज्यांमध्ये काँग्रेसने दमदार कामगिरी केली आहे. त्यामुळे संपूर्ण देशात जल्लोष साजरा केला जात आहे. नेहमी शुकशुकाट असणाऱ्या काँग्रेसभवन मध्ये आज मात्र उत्सचाह दिसून आला. यावेळी शहर काँग्रेसचे अध्यक्ष रमेश बागवे, माजी आमदार मोहन जोशी, काँग्रेसचे नगरसेवक आणि कार्यकर्ते मोठ्या संख्येने उपस्तिथ होते. 

    काँग्रेसभवनच्या आजूबाजूला अभिनंदनाचे फ्लेक्स लावण्यात आले होते. भवनात येणाऱ्या प्रत्येकाला पेढे भरवण्यात येत होते. त्याचबरोबर फाटकेही वाजवण्यात आले. 2014 नंतर पहिल्यांदाच मोठा उत्सह काँग्रेसभवनमध्ये दिसून आला. या विधानसभा निवडणूकांच्या विजयामुळे काॅंग्रेस कार्यकर्त्यांमध्ये जाेश भरला असून याच पद्दतीने लाेकसभा निवडणूकांमध्ये देखिल विजय मिळवू असा विश्वास कार्यकर्त्यांनी व्यक्त केला.