राज्याच्या शालेय शिक्षण विभागाने इयत्ता नववी ते बारावीप्रमाणे पाचवी ते आठवीपर्यंतचे वर्ग सुरू करण्यास मान्यता दिली. मात्र, पुणे महापालिकेने शहरातील शाळा येत्या १ फेब्रुवारीपासून सुरू होणार असल्याचे स्पष्ट केले. त्यानुसार पालिकेने व खासगी शिक्षण संस्थांनी शाळा सुरू करण्याबाबत आवश्यक तयारी केली आहे. दहावी-बारावीच्या परीक्षांचे वेळपत्रक जाहीर झाल्यामुळे विद्यार्थी व पालकांकडून सकारात्मक प्रतिसाद मिळत आहे. शाळा व कनिष्ठ महाविद्यालयात प्रॅक्टिकलसाठी विद्यार्थी येत आहेत. विद्यार्थ्यांच्या उपस्थितीमध्ये काही प्रमाणात वाढ होत आहे.
पालिकेने येत्या १ फेब्रुवारीपासून आपल्या हद्दीतील शाळा सुरू करण्यास मान्यता दिली असली तरी शासन निर्णयानुसार शिक्षकांची कोरोना तपासणी झाल्याशिवाय शाळा सुरू करता येत नाहीत. अद्याप शहरातील सर्व शाळांमधील शिक्षकांची कोरोना तपासणीची प्रक्रिया पूर्ण झालेली नाही. त्यामुळे सोमवारी शहरातील सर्व शाळा सुरू होणार नाहीत. पुढील आठवड्याभरात सर्व शाळा सुरू होतील, असे पालिकेच्या शिक्षणाधिका-यांनी सांगितले.
--------------------------
ग्रामीण भागातील शाळांमध्ये इयत्ता नववी ते बारावीच्या आहे. पुढील काही दिवसात त्यात आणखीन वाढ होईल. ग्रामीण भागातील शाळांचा अनुभव लक्षात घेता आता शहरातील शाळा सुरू होण्यास कोणतीही हरकत नाही.
- महेंद्र गणपुले, प्रवक्ता, मुख्याध्यापक संघ
------------
दहावी-बारावीच्या प्रात्यक्षिकांसाठी विद्यार्थ्यांकडून चांगला प्रतिसाद मिळत आहे. विद्यार्थी उपस्थितीबाबत पालक सकारात्मक आहेत. शिक्षकांच्या कोरोना तपासणीनंतर पुढील आठवड्याभरात शहरातील सर्व शाळा सुरू होतील.
- एस. के. जैन, अध्यक्ष, नियामक मंडळ, शिक्षण प्रसारक मंडळी