शहरं
Join us  
Trending Stories
1
डीपफेक व्हिडीओवर बसणार आळा, मोदी सरकार आणणार डिजिटल इंडिया विधेयक; यूट्यूबवरही नियंत्रण येणार
2
भारत-कॅनडा सामन्याचा निकाल लागला! जाणून घ्या टीम इंडियाचं Super 8 वेळापत्रक
3
संरक्षक भिंत तोडून सिमेंट मिक्सर कोसळला सात जण जखमी
4
पाकिस्तानला धुणारा पाऊस गतविजेत्या इंग्लंडची नौका बुडवणार? अँटिग्वावरील लाईव्ह दृश्य
5
मणिपूरमध्ये सचिवालयजवळच्या इमारतीला भीषण आग; जवळच मुख्यमंत्र्यांचं निवासस्थान
6
“लोकसभा निवडणुकीत इंडिया आघाडीला सर्वाधिक बळ महाराष्ट्राने दिले”; जयंत पाटील स्पष्टच बोलले
7
Raju Shetty : 'महाविकास आघाडीच्या नेत्यांनी माझी फसवणूक केली'; राजू शेट्टींचा गंभीर आरोप
8
सरकारकडून अद्यापपर्यंत उपोषणाची दखल का नाही : लक्ष्मण हाके
9
“इटलीत थाट मणिपूरकडे मात्र पाठ, हीच का मोदींची गॅरंटी?”; NCP शरद पवार गटाचा सवाल
10
विराट कोहली कोणत्या गोष्टीवरून चिडलेला दिसला? IND vs CAN सामन्याबाबत महत्त्वाचे अपडेट्स
11
“मी म्हणालो होतो, आम्हाला भाजपामुक्त राम हवा, अयोध्यावासीयांनी करुन दाखवले”: उद्धव ठाकरे
12
इंटरनेटवर पाहून केलेलं डाएटिंग ठरू शकतं जीवघेणं; तुम्हीही करताय का 'ही' चूक?
13
शुबमन गिलने खरंच इंस्टाग्रामवर रोहितला अनफॉलो केले का? राखीव खेळाडूवर शिस्तभंगाची कारवाई?
14
'मविआ'मध्ये छोटा, मोठा भाऊ कुणीही नाही, लवकरच जागावाटप करणार'; पृथ्वीराज चव्हाणांनी चर्चांना दिला पूर्णविराम
15
"आता यांच्यामध्ये बसून..."; भाजपसोबत जाण्यावर उद्धव ठाकरेंचं शरद पवारांसमोर सूचक विधान
16
विधानसभेला तरी प्रकाश आंबेडकरांना सोबत घेणार का? उद्धव ठाकरेंचे एका वाक्यात उत्तर, म्हणाले...
17
“लोकसभेत आमचा स्ट्राइक रेट चांगला, महायुतीत आम्हीच मोठा भाऊ”; शिंदे गटातील नेत्यांचे विधान
18
"विजयाचं श्रेय जसं मला मिळतं, तसंच पराभवाचं कारणही मीच, कार्यकर्त्यांची माफी मागतो"
19
माजी मुख्यमंत्री जगन मोहन रेड्डींच्या बेकायदा बांधकामावर बुलडोझर; तक्रारीनंतर महापालिकेची कारवाई!
20
निवडणुकीत मराठी मतं मिळाली नाहीत? उद्धव ठाकरे म्हणाले, "भाजपला अजूनही..."

पर्वती मतदारसंघातून भाजपला नेहमीच आघाडी; पण पक्षफुटीचा परिणाम होण्याची दाट शक्यता

By ऑनलाइन लोकमत | Published: May 20, 2024 10:44 AM

पर्वती विधानसभा मतदारसंघात २४ पैकी २१ नगरसेवक असून भाजपचे वर्चस्व असले तरी पक्षफुटीने लोकसभेची गणिते बदलणार

पुणे : पर्वती मतदारसंघ महायुतीमध्ये भाजपकडे, तर महाविकास आघाडीमध्ये राष्ट्रवादी शरद पवार गटाकडे आहे. त्यामुळे येथे ‘भाजप विरुद्ध राष्ट्रवादी’ अशीच लढत होणार आहे. या मतदारसंघाने भाजपला नेहमीच आघाडी दिली आहे; पण शिवसेना आणि राष्ट्रवादी कॉंग्रेसच्या पक्ष फुटीचा परिणाम या मतदारसंघात होण्याची दाट शक्यता आहे. लोकसभा निवडणुकीत मिळणाऱ्या मताधिक्यावरच उमेदवारीचे गणित अवलंबून असणार आहे.

पर्वती विधानसभा मतदारसंघ २००४ पर्यंत अनुसूचित जातीसाठी राखीव होता. विधानसभा मतदारसंघाच्या पुनर्रचनेत २००९ मध्ये हा मतदारसंघ खुला झाला. पर्वती मतदारसंघात मध्यमवर्गीयांसह ‘हाय प्रोफाइल’ सोसायट्या आणि मोठ्या प्रमाणावर झोपडपट्टी भागाचाही समावेश आहे. मध्यमवर्गीय आणि उच्चवर्गीय मतदारांचे प्रमाण जास्त असलेल्या सहकारनगर, लक्ष्मीनगर, मित्रमंडळ, पर्वती दर्शन या नवी पेठ-पर्वती, सॅलिसबरी पार्क, मार्केट यार्ड, वडगाव बुद्रुक, हिंगणे, जनता वसाहत आणि दत्तवाडी हा झोपडपट्टी बहुल प्रभाग या मतदारसंघात येतो.

२०१९ मध्ये घटले हाेते मताधिक्य

२०१४ च्या विधानसभा निवडणुकीत पर्वती मतदारसंघातून माधुरी मिसाळ यांना ७० हजारांचे मताधिक्य मिळाले होते; पण २०१९च्या विधानसभा निवडणुकीत या मताधिक्यात घट होऊन ते ३६ हजार ७२८ झाले. २०१९च्या निवडणुकीत पर्वती मतदारसंघात एक लाख ७३ हजार ७२८ मतदान झाले होते. त्यामध्ये २५० पोस्टल मतांचा समावेश आहे. यापैकी मिसाळ यांना ९७ हजार १२ मते मिळाली, तर राष्ट्रवादीच्या अश्विनी कदम यांना ६० हजार २४५ मते मिळाली.

लाेकसभेतील उमेदवाराच्या लीडवर ठरणार उमेदवारी

या मतदारसंघातील २४ पैकी २१ नगरसेवक असलेल्या पर्वती विधानसभा मतदारसंघात भाजपचे वर्चस्व आहे. राष्ट्रवादी कॉंग्रेसचे दोन, तर कॉंग्रेसचा एक नगरसेवक आहे. गेल्या लोकसभा, विधानसभा निवडणुकीत मतदारांनी भाजपच्या झोळीत भरभरून मते टाकली आहेत. यंदाच्या लोकसभा निवडणुकीत महाविकास आघाडी विरुद्ध महायुती, अशी लढत झाली आहे. या मतदारसंघात काेणत्या पक्षाच्या उमेदवाराला लीड मिळणार, यावरच उमेदवारीची गणिते अवलंबून असणार आहे.

हे आहेत इच्छुक

आमदार माधुरी मिसाळ, भाजपचे श्रीनाथ भिमाले, कॉंग्रेसचे आबा बागुल, अभय छाजेड, शिवसेनेच्या ठाकरे गटाचे बाळा ओसवाल, अशोक हरणावळ, राष्ट्रवादीचे सुभाष जगताप, अश्विनी कदम हे या मतदारसंघातून निवडणूक लढविण्यासाठी इच्छुक आहेत.

...तर राजकीय स्थिती वेगळी 

लोकसभा निवडणुकीसाठी भाजप, शिंदेसेना, राष्ट्रवादी अजित पवार गट याची महायुती; तर काँग्रेस, शिवसेनेचा उद्धव ठाकरे गट, राष्ट्रवादीचा शरद पवार गट यांची महाविकास आघाडी आहे. लोकसभा निवडणुकीत जागा वाटप होताना महायुती आणि महाविकास आघाडी यांची दमछाक झाली आहे. त्यामुळे आगामी विधानसभा निवडणुकीत जागा वाटपावरून कुरघोडीचे राजकारण होणार आहे. राजकीय परिस्थती बदलल्यानंतर महायुती आणि महाविकास आघाडीतील पक्ष बाहेर पडले अन् स्वतंत्रपणे निवडणूक लढविली, तर पर्वती मतदारसंघामध्ये वेगळे चित्र दिसण्याची शक्यता वर्तवली जात आहे. पर्वती मतदारसंघ राष्ट्रवादीकडे असला, तरी हा मतदारसंघ कॉंग्रेसला द्यावा, अशी मागणी केली जात आहे.

२०२४ पुणे लोकसभेतील पर्वती विधानसभा मतदारसंघ

एकूण मतदान - ३ लाख ४१ हजार ०५५झालेले मतदान - १ लाख ८९ हजार १८४मतदानाची टक्केवारी - ५५.४७ टक्के

टॅग्स :Puneपुणेparvati-acपर्वतीlok sabhaलोकसभाmaharashtra lok sabha election 2024महाराष्ट्र लोकसभा निवडणूक निकाल २०२४big Battles 2024लोकसभा निवडणुक रणांगण २०२४ravindra dhangekarरविंद्र धंगेकरmurlidhar moholमुरलीधर मोहोळ