पुणे: पुण्यात सराईत गुन्हेगारांकडून पुन्हा एकदा गाड्यांची तोडफोड झाल्याचा धक्कादायक प्रकार समोर आला आहे. चतु:शृंगी पोलिस स्टेशनच्या हद्दीत टोळक्याकडून 20 गाड्यांची तोडफोड करण्यात आली आहे. याप्रकरणी रेकॉर्डवरील गुन्हेगारांसह 18 ते 20 जणांवर गुन्हे दाखल करण्यात आले आहेत.
मिळालेल्या माहितीनुसार, पुण्याच्या चतु:शृंगी पोलिस स्टेशनच्या हद्दीत वर्चस्ववादातून दोन गटात तुफान राडा झाला. त्यावेळी सराईत गुन्हेगारांकडून वाहनांची तोडफोड करण्यात आली. त्यामध्ये 14 दुचाकी, 4 चारचाकी आणि एका तीनचाकी वाहनाचा समावेश आहे. दोन गटांमध्ये झालेल्या राड्यामध्ये लोखंडी हत्याराने वार केल्याने एक जण गंभीर जखमी झाला आहे.