पाटेठाण: देवकरवाडी (ता.दौंड) येथे चारचाकी गाडीने पाठीमागून जाऊन दुचाकीला जोरदार धडक मारल्याने अपघातात युवकाचा जागीच मृत्यू झाला असून रविवार (दि.१२) रोजी सांयकाळच्या सुमारास घटना घडली आहे. अपघातात गणेश नंदू देवकर (रा.देवकरवाडी, वय-२४) या युवकाचा जागीच मृत्यू झाला आहे. रविवारी सांयकाळी गणेश देवकर हा युवक देवकरवाडी गावातून राहू- वाघोली रास्ता फाट्याच्या दिशेने दुचाकीवरून जात असताना साई ट्रेज कंपनी नजीक ही घटना घडली. भरधाव वेगाने जाणाऱ्या चारचाकी गाडीने पाठीमागून जोरदार धडक दिल्याने त्याचा जागीच मृत्यू झाला. घटनेने देवकरवाडी परिसरात शोककळा पसरली आहे. अधिक तपास यवत पोलीस करत आहेत.
चारचाकीची दुचाकीला धडक; युवकाचा जागीच मृत्यू, दौंडमधील घटना
By ऑनलाइन लोकमत | Updated: May 13, 2024 11:07 IST