लखनौ - बिहार विधानसभा निवडणुकीसाठीचा प्रचार रंगात आला असतानाच आरोप-प्रत्यारोपांनाही जोर आला आहे. त्याचदरम्यान, उत्तर प्रदेशचे मुख्यमंत्री योगी आदित्यनाथ आणि एमआयएमचे प्रमुख असदुद्दीन ओवेसी यांच्यात वाकयुद्ध रंगले आहे. काल उत्तर प्रदेशचे मुख्यमंत्री योगी आदित्यनाथ यांनी जमुई मतदारसंघात एमआयएमचे प्रमुख असदुद्दीन ओवेसींवर टीका केली होती. ओवेसी आणि राहुल गांधी पाकिस्तानची प्रशंसा करतात, असा आरोप योगींनी केला होता. आता ओवेसींनी त्याला प्रत्युत्तर देत योगी आदित्यनाथ यांच्यावर जोरदार प्रतिहल्ला केला आहे.योगींना प्रत्युत्तर देताना ओवेसी म्हणाले की, मी योगी आदित्यनाथ यांना आव्हान देतो की, त्यांनी २४ तासांत ते खरे योगी असल्याचे पुनावे द्यावेत. त्यांनी वैफल्यग्रस्ततेतून माझ्यावर आरोप केले आहे. मी पाकिस्तानमध्ये गेलो होतो आणि तिथे मी भारतीय लोकशाहीवर बोललो होतो हे त्यांना माहीत नाही का, असा सवाल ओवेसींनी विचारला.
तुम्ही ‘योगी’ असल्याचे २४ तासांत सिद्ध करा, ओवेसींचे आदित्यनाथांना आव्हान
By बाळकृष्ण परब | Published: October 22, 2020 3:16 PM