Latest Politics News | Politics Marathi News | Latest Politics News in Marathi | राजकारण: ताज्या मराठी बातम्या

Deputy CM Eknath Shinde News: मुंबईसह आगामी महापालिका आणि स्थानिक स्वराज्य संस्थांच्या निवडणुकीच्या पार्श्वभूमीवर शिवसेना शिंदे गटातील प्रवेशाचा ओघ वाढताना दिसत आहे. उपमुख्यमंत्री एकनाथ शिंदे यांच्या उपस्थितीत राज्यभरातील नेते, पदाधिकारी, कार्यकर्ते शिवसेनेत दाखल होत आहेत. केवळ ठाकरे गट नाही, तर राष्ट्रवादी काँग्रेस शरद पवार गट आणि काँग्रेसलाही एका मागून एक धक्के बसत आहेत. एकनाथ शिंदे यांनी एक्सवर पोस्ट करत शिवसेनेत झालेल्या सर्व प्रवेशांविषयी माहिती दिली. जळगाव, अमळनेर, पालघर यांसह अनेक ठिकाणच्या नेत्यांनी पदाधिकारी, कार्यकर्त्यांसह एकनाथ शिंदे यांच्या उपस्थितीत शिवसेनेत प्रवेश केला. जळगाव जिल्ह्यातील अमळनेर विधानसभा मतदारसंघाचे माजी आमदार शिरीष चौधरी तसेच हिंगोली विधानसभा मतदारसंघाचे माजी आमदार हरीभाऊ पाटील गोरेगावकर यांनी शिवसेना पक्षात जाहीर प्रवेश केला. यावेळी त्यांच्यासह हिंगोली आणि अमळनेरमधील अनेक जिल्हा परिषद आणि पंचायत समिती सदस्यांनीही शिवसेनेमध्ये पक्षप्रवेश केला. शिरीष चौधरी यांच्यासह उबाठा गटाचे अमळनेरचे माजी नगरसेवक गुलाब पाटील, माजी शहरप्रमुख प्रवीण पाठक, माजी प्रभारी नगराध्यक्ष अनिल महाजन, माजी सभापती श्रीराम चौधरी, माजी सभापती देविदास महाजन, माजी नगरसेवक पंकज चौधरी, महेश जाधव, किरण बागुल, बाळासाहेब संघनाशिव, साखरलाल महाजन आणि इतर असंख्य पदाधिकाऱ्यांनी हाती भगवा घेत शिवसेनेमध्ये प्रवेश केला. हिंगोलीमधील माजी जिल्हा परिषद उपाध्यक्ष सुनील पाटील गोरेगावकर, माजी कृषी उत्पन्न बाजार समिती सभापती कांतराव हराळ, माजी शिक्षण सभापती भय्या देशमुख, माजी सभापती बाजीराव जुमडे, माजी उपसभापती मदन इंगोले, डॉ. आर. जी. कावरजे, द्वारकादास सारडा, न्यानोबा कवडे आणि असंख्य पदाधिकाऱ्यांनी शिवसेनेमध्ये प्रवेश केला. तसेच यवतमाळचे पालकमंत्री संजय राठोड यांच्या पुढाकाराने स्थानिक कार्यकर्त्यांचा पक्षप्रवेश संपन्न झाला.दरम्यान, पालघर जिल्ह्यातील डहाणू नगर परिषदेचे राष्ट्रवादी काँग्रेस शरद पवार गटाचे माजी उपनगराध्यक्ष राजेंद्र लखू माच्छी तसेच उबाठा गटाचे माजी उपशहरप्रमुख हसमुख धोडी आणि असंख्य पदाधिकाऱ्यांनी भगवा झेंडा हाती घेत शिवसेना पक्षात जाहीर प्रवेश केला. यावेळी त्यांच्यासोबत शहराध्यक्ष मिलिंद मावळे, माजी नगरसेवक सईद शेख, जिल्हाध्यक्ष चंद्रकांत खुताडे, दिनेश माच्छी, मिलन माच्छी, योगेश मेहेर, दीप धोडी, वैभव मर्दे, महिला संघटिका अस्मिता धोडी, माजी नगरसेविका माधुरी धोडी आणि शिवसेना पदाधिकारी व शिवसैनिक उपस्थित होते.

Politics (Marathi News)

आरक्षणाने दांडी उडालेल्यांनी शोधला पर्याय ...

Congress Balasaheb Thorat PC News: बाळासाहेब थोरात यांनी मतदारयादीतील त्रुटींवर काम न झाल्याबद्दल तीव्र नाराजी व्यक्त केली. ...

महायुतीकडूनच जोरदार मागणी : सर्वांना संधी देण्यासाठी निर्णय घेण्यासाठी दबाव ...

पर्यायी मतदारसंघांची चाचपणी सुरू, दिवसभर राजकीय चर्चांना ऊत ...