रिक्षा, दुचाकी वाहने चोरणारे जेरबंद  

दुचाकी व रिक्षा चोरणाºया दोघांना निगडी पोलिसांनी जेरबंद केले असून, त्यांच्याकडून एक रिक्षा व दोन दुचाकी जप्त करण्यात आल्या आहेत. निगडी पोलीस बुधवारी रात्री गस्त घालत असताना ओटास्कीम परिसरात एक रिक्षा भरधाव जाताना दिसली.

पिंपरी : दुचाकी व रिक्षा चोरणाºया दोघांना निगडी पोलिसांनी जेरबंद केले असून, त्यांच्याकडून एक रिक्षा व दोन दुचाकी जप्त करण्यात आल्या आहेत.निगडी पोलीस बुधवारी रात्री गस्त घालत असताना ओटास्कीम परिसरात एक रिक्षा भरधाव जाताना दिसली. संशय आल्याने पाठलाग करून पोलिसांनी ती थांबविली. चालकाकडे चौकशी केली असता, रिक्षा चोरीची असल्याचे समोर आले. त्यानंतर दिनेश आत्माराम गंडले (वय २५, रा. खंडोबा मंदिराशेजारी, आळंदी) याला पोलिसांनी अटक केली. त्याच्याकडे अधिक चौकशी केली असता, त्याने देहूरोड पोलीस ठाण्याच्या हद्दीतून दुचाकीही चोरल्याची कबुली दिली.तसेच निगडी येथील सीसीटीव्ही फुटेजच्या आधारावर आणखी एक दुचाकी चोरीचा गुन्हा उघडकीस आला. याप्रकरणी गणेश धर्मानाप्पा बिराजदार (वय २७, चिंचोली, ता. निलंगा, जि. लातूर, सध्या ट्रान्सपोर्टनगर, निगडी) याला अटक केली. त्याच्याकडून एक दुचाकी जप्त केली. या आरोपींकडून निगडी ठाण्यातील दोन, तर देहूरोड पोलीस ठाण्यातील एक असे एकूण तीन गुन्हे उघडकीस आले. त्यांच्याकडून दोन लाखांचा माल जप्त करण्यात आला.