पिंपरी : तीन वर्षीय मामेबहिणीशी लैंगिक चाळे करून तिच्यावर अत्याचार केला. याप्रकरणी अल्पवयीन मुलावर गुन्हा दाखल केला आहे. तळेगाव दाभाडे येथे गुरुवारी (दि. १) रात्री साडेदहा ते पावणेअकराच्या सुमारास ही घटना घडली.
पीडित चिमुरडीच्या आईने याप्रकरणी शुक्रवारी (दि. २) तळेगाव दाभाडे पोलीस ठाण्यात फिर्याद दिली आहे. त्यानसुार १७ वर्षीय विधीसंघर्षीत बालकावर गुन्हा दाखल करण्यात आला. फिर्यादी महिला ही विधीसंघर्षीत बालकाची मामी आहे. फिर्यादी महिला गुरुवारी रात्री घरात टीव्ही पाहत असताना त्यांचा भाचा असलेला विधीसंघर्षीत बालक फिर्यादीची तीन वर्षीय मुलगी व फिर्यादीची पुतणी यांना खेळण्याच्या बहाण्याने सोसायटीतील गार्डनमध्ये घेऊन गेला. तेथे फिर्यादी महिलेच्या मुलीशी लैंगिक अत्याचार केले. याप्रकरणी विधीसंघर्षीत बालकाच्या विरोधात बलात्काराचा गुन्हा दाखल करण्यात आला.