हिंजवडी : माण ग्रामपंचायत हद्दीत मारुंजी बोडकेवाडी कॅनल रस्त्यालगत असलेल्या भंगार मालाला शनिवारी (दि.३) दुपारी अडीचच्या सुमारास आग लागली. आगीची तीव्रता एवढी होती की, आयटी परिसरात काळ्या कुट्ट धुराचे लोट पसरले होते. आगीत कच्चा भंगार माल जळून खाक झाला असून, जवळील दोन विद्युत खांब सुद्धा कोसळ्याची प्राथमिक माहिती मिळत आहे.
दरम्यान, आयटी पार्क फेज दोन येथील बोडकेवाडी कॅनल रस्त्यावर ही आगीची घटना घडली. घटना समजताच आयटीपार्क परिसरातील पाच अग्निशमन दलाचे बंब घटनास्थळी दाखल झाले आहेत. आग विझवण्याचे शर्तीचे प्रयत्न चालू असून, आगीचे नक्की कारण समजू शकले नाही. मात्र, आगीमुळे परिसरात धुराचे लोट पसरल्याने, परिसरात बघ्यांची मोठी गर्दी जमली होती.
याच रस्त्यावर अनेक भंगारमालाची दुकान आहेत, अनेक ठिकाणी पत्रशेड करून तर, काही ठिकाणी मोकळ्या मैदानात भंगार माल जमा केला जात आहे. सुरक्षेचे सर्व नियम धाब्यावर बसवून, या ठिकाणी धोकादायक रित्या मोठ्या प्रमाणात भंगार माल जमा केला जातो. याची सखोल चौकशी व्हावी अशी अपेक्षा बोडकेवाडी सह परिसरातील नागरिक व्यक्त करत आहेत.
Web Summary : A fire broke out at a scrap yard near Pune's IT Park Phase Two, causing widespread smoke. The fire consumed scrap material, damaging nearby electric poles. Firefighters are working to control the blaze; the cause is still unknown.
Web Summary : पुणे के आईटी पार्क फेज दो के पास एक स्क्रैप यार्ड में आग लग गई, जिससे व्यापक धुआं फैल गया। आग में स्क्रैप सामग्री जल गई, जिससे पास के बिजली के खंभे क्षतिग्रस्त हो गए। दमकलकर्मी आग पर काबू पाने की कोशिश कर रहे हैं; कारण अभी भी अज्ञात है।