भोसरी :पिंपरी-चिंचवडपोलिस आयुक्तालयाच्या वतीने सुरू असलेल्या पोलिस भरती प्रक्रियेदरम्यान प्रशासनाने उमेदवारांसाठी गवळीमाथा येथे राहण्याची विशेष सोय केली आहे. भोसरीतील इंद्रायणीनगर येथील ज्ञानेश्वर क्रीडा संकुलात ११ फेब्रुवारीपासून पोलिस भरतीची मैदानी चाचणी सुरू असून ही प्रक्रिया २७ फेब्रुवारीपर्यंत चालणार आहे. दररोज सुमारे १२०० युवकांची मैदानी चाचणी घेतली जात आहे.
राज्याच्या विविध जिल्ह्यांतून हजारो युवक पोलिस दलात दाखल होण्याच्या स्वप्नाने भोसरी परिसरात दाखल झाले आहेत. मात्र, बाहेरगावाहून आलेल्या अनेक उमेदवारांकडे राहण्याची योग्य सोय नसल्याने त्यांची गैरसोय होण्याची शक्यता निर्माण झाली होती. ही बाब लक्षात घेऊन पिंपरी-चिंचवडचे पोलिस आयुक्त विनयकुमार चौबे यांच्या संकल्पनेतून उमेदवारांसाठी विशेष निवासव्यवस्था उभारण्यात आली आहे.
अप्पर पोलिस आयुक्त सारंग आव्हाड यांच्या मार्गदर्शनाखाली आणि पोलिस उपायुक्त गणेश इंगळे यांच्या पुढाकारातून गवळीमाथा येथील बाल क्रीडानगरीत भरतीसाठी आलेल्या युवकांच्या राहण्याची व्यवस्था करण्यात आली आहे. येथे झोपण्याची स्वच्छ व सुरक्षित सोय, अंघोळीची सुविधा, स्वच्छ पिण्याचे पाणी तसेच भरतीच्या ठिकाणी ये-जा करण्यासाठी वाहन व्यवस्था उपलब्ध करून देण्यात आली आहे. खाकी वर्दीचे स्वप्न डोळ्यांत साठवून आलेल्या युवकांसाठी प्रशासनाने उचललेले हे पाऊल केवळ सुविधा पुरवणारे नसून मानवतेचा आदर्श ठरत आहे.
Web Summary : Pimpri-Chinchwad Police provide accommodation at Gawlimatha for police recruitment candidates due to high demand. This includes sleeping, bathing, drinking water, and transportation facilities. The initiative, led by Police Commissioner Vinaykumar Choubey, supports aspirants from various districts attending the physical tests.
Web Summary : पिंपरी-चिंचवड पुलिस ने पुलिस भर्ती के उम्मीदवारों की भारी मांग को देखते हुए गवळीमाथा में आवास की व्यवस्था की है। इसमें सोने, नहाने, पीने के पानी और परिवहन की सुविधाएँ शामिल हैं। पुलिस आयुक्त विनयकुमार चौबे के नेतृत्व में यह पहल शारीरिक परीक्षणों में भाग लेने वाले विभिन्न जिलों के उम्मीदवारों का समर्थन करती है।