Pimpri Chinchwad News | Latest Pimpri Chinchwad News in Marathi | Pimpri Chinchwad Local News Updates | ताज्यबातम्या पिंपरी -चिंचवड | पिंपरी -चिंचवड समाचार | Pimpri Chinchwad Newspaper

पिंपरी : औंध सर्वोपचार रुग्णालयाच्या कर्मचारी वसाहतीत मंगळवारी दुपारी दोनच्या सुमारास आदिती श्यामसुंदर बिडवे (वय १९) या तरुणीचा लातूरहून भेटण्यास आलेल्या तरुणाने वायरने गळा आवळून खून केला. या घटनेनंतर त्याने ओढणीच्या साह्याने स्वत:ही गळफास घेतला. तरुणीशी असलेल्या प्रेमसंबंंधातून ही घटना घडली असल्याचे पोलिसांच्या प्राथमिक तपासात उघड झाले आहे. नईमोदीन बिल्कोसोद्दीन शहा (वय २१, रा. मूळचा लातूर) असे आरोपीचे नाव आहे. प्रेयसीचा खून केल्यानंतर त्याने स्वत:लाही संपविले. या घटनेमुळे परिसरात खळबळ उडाली आहे.सांगवी पोलिसांनी दिलेल्या माहितीनुसार, कर्मचारी वसाहतीत खोली क्रमांक २०४, टाइप बी इमारतीत राहणारे आदितीचे चुलते, चुलती हे दिवाळी सुटीत गावी गेले आहेत. आदिती आणि तिचा भाऊ शिक्षणासाठी पुण्यात आले असल्याने ते चुलत्यांकडे राहतात. आदितीचा सख्खा भाऊ पुण्यातील वैद्यकीय महाविद्यालयात नर्सिंगचे शिक्षण घेत आहे. परीक्षा असल्याने तो सकाळी घराबाहेर पडला होता. तर चुलत भाऊ अभिनय हा दुचाकी सर्व्हिसिंगसाठी बाहेर गेला होता. घरात आदिती एकटीच होती. तिला भेटण्यासाठी लातूरहून नईमोदीन आला होता. घरात ते दोघेच होते. त्यांच्यात काही कारणास्तव वाद झाला.रागाच्या भरात आरोपी नईमोदीन याने घरात पडलेल्या इलेक्ट्रिक एक्टेन्शन बोर्डची वायर अदितीच्या गळ्याभोवती गुंडाळली. आदितीचा जीव गुदमरल्याने काही वेळातच आरोपी नईमोदीन याने घरातील ओढणीच्या साह्याने गळफास घेऊन आत्महत्या केली. दुचाकी सर्व्हिसिंगला गेलेल्या अभिनवचे दुचाकीचे जॉब कार्ड घरी राहिले असल्याने तो परत घरी आला. घराचा दरवाजा बंद होता. त्याने छोट्या मुलाला घराच्या छताला असलेल्या एका चौकोनी खाच्यातून काही अंतर खाली सोडले. त्या मुलाला तरुण छताला लटकत असल्याचे दिसून आले. काही तरी अघटित घडले असल्याचा अंदाज आल्याने अभिनयने शेजाऱ्यांच्या मदतीने दरवाजा तोडला. आत पाहिले तर बहीण आदितीसुद्धा मृतावस्थेत पडल्याचे त्याने पाहिले. याबाबत सांगवी पोलिसांना माहिती देण्यात आली.पोलिसांनी घटनास्थळी धाव घेतली. गळफास घेतलेल्या तरुणाच्या खिशात आधार कार्ड आढळून आले़ त्यावरून तो लातूरचा असल्याचे स्पष्ट झाले. पंचनामा करून दोन्ही मृतदेह उत्तरीय तपासणीसाठी औंध सर्वोपचार रुग्णालयात नेण्यात आले.२०४ क्रमांकाच्या खोलीत जोडीने आत्महत्येची तिसरी घटनाऔंध सर्वोपचार रुग्णालयाच्या कर्मचारी वसाहतीतील २०४ क्रमांकाच्या खोलीत जोडीने आत्महत्येची ही तिसरी घटना आहे. प्रेमिका, प्रियकर अशा एका जोडीने आत्महत्या केल्याची पहिली घटना येथे घडली. त्यानंतर याच खोलीत बहीण, भावाने गळफास घेऊन आत्महत्या केल्याची दुसरी घटना घडली होती. त्यानंतर आता आदितीचा खून करून नईमोदीन याने आत्महत्या केल्याची घटना याच खोलीत घडली असल्याची माहिती एस़ व्ही़ गायकवाड, आऱ आऱ घनवट आणि ए. बी़ राठोड या पोलीस कर्मचाºयांनी दिली. वरिष्ठ पोलीस निरीक्षक मोहन शिंदे, श्रीकांत पाटील व वरिष्ठ पोलीस अधिकाºयांनी घटनास्थळी भेट दिली.

Pimpri Chinchwad (Marathi News)

श्रावण हर्डीकर : चांगल्या गोष्टींची अंमलबजावणी करून शहर करणार स्मार्ट ...

जिल्हा ग्राहक न्याय मंच : विम्याच्या रकमेच्या ८० टक्के रक्कम द्या; वाकड येथून झाली होती कारची चोरी ...

पिंपळे सौदागर : चाकरमान्यांचे हाल; स्थानिकांसह पोलिसांची तारांबळ ...

स्मार्ट सिटीत कामासाठी वणवण : बेरोजगारांचा शहराकडे लोंढा; पडेल ते काम करण्याची आली वेळ ...

भारत बंद आंदोलनातील घटना : सहा महिने सक्तमजुरीची शिक्षा सुनावली ...

ग्रामस्थांना त्रास : पर्यटकांना आकर्षित करण्यासाठी साऊंड सिस्टीम लावून रात्रभर घातला जातो धिंगाणा ...

शहरात खळबळ : सांगवीच्या औंध सर्वोपचार रुग्णालय कर्मचारी वसाहतीतील प्रकार ...