ओठांवर खूप भेगा दिसतात- कोरडे पडून काळवंडले? घ्या उपाय- ओठ होतील मऊ, गुलाबी

आपले ओठ मऊ, गुलाबी असावेत असं सगळ्यांनाच वाटतं. पण बऱ्याच जणींच्या बाबतीत तसं होत नाही, म्हणूनच मग ओठांचा काळेपणा लपविण्यासाठी त्यावर लिपस्टिकचा थर द्यावा लागतो.

पण अशा वेगवेगळ्या रंगाच्या लिपस्टिक लावण्यापेक्षा जर ओठ नैसर्गिकपणे गुलाबी झाले तर किती छान.. म्हणूनच तर हा घ्या एक खास उपाय..

जर तुमचे ओठ खूप काळवंडून गेले असतील किंवा कोरडे पडल्याने नेहमीच भेगाळून त्यातून रक्त येत असेल तर हा त्रास कमी करण्यासाठी हा उपाय खूप उपयुक्त ठरू शकतो..

हा उपाय करण्यासाठी एका वाटीमध्ये १ चमचा बीटरुटचा रस घ्या..

त्यामध्ये अर्धा चमचा पिठीसाखर घाला. पिठीसाखरेमुळे ओठांवरची डेडस्किन, टॅनिंग निघून जाईल आणि त्यावर नैसर्गिकपणे एक छान चमक येण्यास मदत होईल.

आता या मिश्रणातच थोडेसे व्हॅसलिन घाला. तिन्ही पदार्थ व्यवस्थित हलवून घ्या आणि ते तुमच्या ओठांवर चोळा. १- २ मिनिटांनी ओठ स्वच्छ धुवून टाका. हा उपाय काही दिवस रोज करून पाहा. ओठ छान मऊ, मुलायम, गुलाबी होती.