PHOTOS : प्रेमाला 'सीमा' नाही! भारतीय 'वर' अन् चीनमधील 'वधू', बिहारमध्ये पार पडला विवाहसोहळा
By ऑनलाइन लोकमत | Published: December 13, 2023 7:34 PM
1 / 9प्रेमाला सीमा नाही, याचा प्रत्यय अनेकदा पाहायला मिळाला आहे. पाकिस्तानातील तरूणी सीमा हैदर हिने भारतातील सचिनशी लग्न करण्यासाठी देशाची सीमा ओलांडली. हे जोडपं मागील काही महिने प्रसिद्धीच्या झोतात होतं. आजतागायत या दोघांच्या बातम्या सातत्याने कानावर पडतात.2 / 9प्रेमासाठी देशाची सीमा ओलांडल्याची आणखी एक ताजी घटना बिहारमध्ये घडली. खरं तर इथे परदेशी वधू आणि स्थानिक तरूण वर म्हणून मंडपात असल्याचे पाहून या विवाहाची एकच चर्चा रंगली. बिहारमधील तरूणानं चीनमधील तरूणीसोबत सातफेरे घेतले.3 / 9दरम्यान, चीनमध्ये शिकत असताना दोघांची भेट झाली. मग मैत्रीचे रुपांतर प्रेमात झाले. यानंतर दोघांनी लग्न करण्याचा निर्णय घेतला. बिहारमधील खगरिया येथे झालेल्या या लग्नाची सध्या खूप चर्चा आहे.4 / 9मंगळवारी खगरिया येथील राजीव आणि चीनमधील लिऊ यांचा मोठ्या थाटामाटात विवाह झाला. दोघांमध्ये मागील दहा वर्षांपासून प्रेमसंबंध होते. 5 / 9एक बिहारी तरूण चीनमधील तरूणीच्या प्रेमात पडला अन् या प्रेमाचा प्रवास अखेर लग्नापर्यंतही पोहचला. हा विवाहसोहळा बिहारमधील खगरिया येथे झाला, ज्यासाठी तरूणी चीनमधून इथे आली.6 / 9नवरदेव राजीव कुमार चीनमध्ये शिक्षणासाठी गेला होता. तिथे त्याची लिऊशी भेट झाली. दोघेही प्रेमात पडले आणि त्यानंतर दोघांनी लग्न करण्याचा निर्णय घेतला. मात्र, व्हिसा न मिळाल्याने मुलीचे कुटुंबीय लग्नाला उपस्थित राहू शकले नाहीत.7 / 9परदेशी तरूणी आणि बिहारी मुलाचा हा विवाह पाहण्यासाठी स्थानिकांनी मोठ्या संख्येने गर्दी केली. खगरियाच्या बाबूगंज येथील राजीव हा तरुण चीनमध्ये वास्तव्यास आहे, तिथे त्याने चीनच्या भाषा, साहित्य आणि सांस्कृतिक अभ्यासात पदव्युत्तर शिक्षण घेतले. चीनची राजधानी बीजिंग येथे राहणारी लुई डॅन ही देखील राजीव शिकत होता त्या महाविद्यालयात शिकत होती.8 / 9कॉलेजमध्ये भेटल्यानंतर राजीव आणि लुई प्रेमात पडले. त्यानंतर दोघांनीही लग्न करण्याचा निर्णय घेतला, त्यासाठी दोघांनी खगरिया गाठले आणि मोठ्या थाटामाटात लग्न केले.9 / 9लग्नादरम्यान चीनमधील तरूणी लुई डॅनने पतीसोबत जोरदार डान्स केला. दोघांनीही विवाह सोहळ्याचे सात फेरे पूर्ण विधीपूर्वक पूर्ण केले.