पहिल्याच चित्रपटात सुपरहिट ठरलेल्या नगमाच्या अभिनय करिअरला वेळेआधीच लागला पूर्णविराम, काय होतं याचं कारण?

हिंदी चित्रपटसृष्टीत प्रत्येकालाच हिमालयाएवढं यश किंवा लोकप्रियता मिळत नाही. मोजक्या कलाकारांनाच ते कसब उत्तमरित्या जमतं. ते बराच काळ रसिकांच्या गळ्यातले ताईत बनून राहतात. मात्र काही कलाकार चित्रपटसृष्टीत कधी येतात आणि कधी जातात तेही कळत नाही. काहींना सुरूवातीच्या काळात यश मिळतं, नंतर मात्र ते कुठे जातात हे कळत नाही. अशीच एक अभिनेत्री म्हणजे नगमा.

1990 साली 30 वर्षांपूर्वी रिलीज झालेल्या 'बागी' मधे सलमान खानची नायिका असलेली नगमा पुन्हा चर्चेत आली आहे. नगमा 46 वर्षांची असून नुकताच तिने तिचा वाढदिवसही साजरा केला. मुंबईत जन्मलेल्या नागमाने चित्रपटांमध्ये पदार्पण केले तेव्हा नावात बदल केला तिचे खरे नाव नंदिता मोरारजी आहे.

बॉलिवूडबरोबरच अनेक दाक्षिणात्या आणि भोजपुरी चित्रपटांमध्ये काम करणारी नगमा सध्या अभिनयापासून दूर राजकारणात सक्रिय आहे.

२०१7 मध्ये आलेल्या भोजपुरी चित्रपट 'जनम जन्म के साथ' मध्ये शेवटची झळकली.

नगमाचे खाजगी आयुष्यही चर्चेत राहिले. इंडस्ट्रीत काम करत असताना तिचे नाव अनेकांशी जोडले गेले होते, विशेषतः क्रिकेटपटू सौरव आणि नगमाचे नाव तुफान चर्चेत राहिले. व्यतिरिक्त भोजपुरी अभिनेता रवी किशनसह नगमाचे नाव जोडले गेले होते. अफेअरमुळे चर्चेत राहिलेली नगमा ख-या आयुष्यात मात्र अविवाहीत आहे.

अनेक सुपरहिट चित्रपटात काम केलेल्या नगमाने 2004 मध्ये राजकारणात प्रवेश केला. नगमाचे वडील अरविंद प्रतापसिंह मोरारजी एक व्यवसायिक होते. नगमाच्या आईनेच तिला अभिनेत्री होण्यासाठी पुढाकार घेतला होता.

नगमाच्या करिअरच्या सुरुवातीला तिची आई तिच्यासोबत सेटवर जात असे. नगमाने सलमान खानबरोबर वयाच्या 16 व्या वर्षी बागी चित्रपटाद्वारे करिअरची सुरुवात केली होती.

हा चित्रपट हिट होताच नगमा रातोरात स्टार बनली. मात्र, नंतर नगमाची करिअरची गाडी बॉलिवूडच्या रुळावरुन अशी काही घसरली की, फारसे चांगले काम तिच्या वाट्याला आले नाही. पाहिजे तसे यश ती मिळवू शकली नाही.

२०१4 च्या लोकसभा निवडणुकीत नागमा यांनी मेरठ-हापूर लोकसभा मतदारसंघातून कॉंग्रेसचे उमेदवार म्हणून निवडणूक लढविली होती.

आपल्या कारकीर्दीत त्याने 50 हून अधिक चित्रपटांमध्ये काम केले आहे.

'सनम बेवफा' 'पोलिस और मुजरीम', 'किंग अंकल' 'सुहाग' 'कुंवर' (2000), 'एक रिश्ता' 'अब तुम्हारे हवाले वतन साथीयों' यासह अनेक हिट चित्रपट दिले आहेत.