जगातील सर्वात श्रीमंत कुटुंबांमध्ये अंबानी कोणत्या स्थानावर? जाणून घ्या कोणाकडे किती पैसे?

ब्लूमबर्गने 2025 साठी जगातील सर्वात श्रीमंत कुटुंबांची यादी जाहीर केली आहे.

1) वॉल्टन कुटुंब- ब्लूमबर्गच्या यादीत वॉल्टन कुटुंब पहिल्या क्रमांकावर आहे. त्यांची एकूण संपत्ती : 513.4 अब्ज डॉलर्स (सुमारे 46 लाख कोटी रुपये) आहे. वॉलमार्ट ही जगातील सर्वात मोठी रिटेल कंपनी याच कुटुंबाची असून, जगभरात तिची 10 हजारांहून अधिक स्टोअर्स आहेत.

2) अल नाहयान कुटुंब- हे अबू धाबीचे राजघराणे असून, शेख मोहम्मद बिन जायद अल नाहयान हे या कुटुंबाचे प्रमुख आणि संयुक्त अरब अमिरातीचे राष्ट्राध्यक्ष आहेत. या कुटुंबाची एकूण संपत्ती 335.9 अब्ज डॉलर्स आहे.

3) अल सऊद कुटुंब- हे सौदी अरेबियाचे शाही कुटुंब असून, राजा सलमान बिन अब्दुलअझीज अल सऊद हे या घराण्याचे प्रमुख आहेत. या कुटुंबाची एकूण संपत्ती 213 अब्ज डॉलर्स आहे.

4) अल थानी कुटुंब- कतारवर सुमारे 150 वर्षांपासून राज्य करणारे अल थानी कुटुंब जगातील प्रभावशाली शाही घराण्यांपैकी एक आहे. यांची एकूण संपत्ती 199.5 अब्ज डॉलर्स आहे.

5) हर्मेस कुटुंब- युरोपमधील सर्वात श्रीमंत कुटुंबांपैकी एक असलेले हर्मेस कुटुंब आपल्या लक्झरी ब्रँड्समुळे ओळखले जाते. या कुटुंबाची एकूण संपत्ती 184.5 अब्ज डॉलर्स आहे.

6) कोच कुटुंब- अमेरिकेतील कोच कुटुंबाची संपत्ती Koch Industries या बहुराष्ट्रीय कंपनीतून येते. यांची एकूण संपत्ती 150.5 अब्ज डॉलर्स आहे.

7) मार्स कुटुंब- मार्स कुटुंब Mars Incorporated या जगातील आघाडीच्या फूड कंपन्यांचे मालक आहे. यांची एकूण संपत्ती 143.4 अब्ज डॉलर्स आहे.

8) अंबानी कुटुंब- भारतातील सर्वात प्रमुख उद्योगपती मुकेश अंबानी यांच्या कुटुंबाचा जगातील सर्वात श्रीमंत कुटुंबांच्या यादीत समावेश आहे. अंबानी कुटुंबाची एकूण संपत्ती 105 अब्ज डॉलर्स आहे.

9) वेर्थाइमर कुटुंब-फ्रान्समधील हे कुटुंब Chanel या प्रसिद्ध लक्झरी फॅशन ब्रँडचे मालक आहे. यांची एकूण संपत्ती 85.6 अब्ज डॉलर्स आहे.

10) थॉमसन कुटुंब- थॉमसन कुटुंबाची प्रमुख कंपनी वुडब्रिज कंपनी असून, तिच्याकडे Thomson Reuters या आघाडीच्या मीडिया व डेटा कंपनीतील सुमारे 70 टक्के हिस्सेदारी आहे. यांची एकूण संपत्ती 82.1 अब्ज डॉलर्स आहे.