भंडाऱ्यात दुसऱ्या दिवशीही गारपीट, बळीराजा चिंताग्रस्त

1 / 8

विदर्भातील काही जिल्ह्यात दुसऱ्या दिवशीही पावसासह गारपीटीचा तडाखा बसला आहे. यामुळे रब्बी पिकासह बागायती पिकांचे अतोनात नुकसान.

2 / 8

मंगळवारी झालेल्या गारपिटीची तालुका महसूल विभागामार्फत पंचनाम्याची प्रक्रिया सुरू आहे. सर्वाधिक गारपिट पवनी तालुक्यात झाल्याची माहिती आहे.

3 / 8

विदर्भातील अनेक जिल्ह्यात गत दोन दिवसांपासून पाऊस येत असल्याने वातावरणात गारवा अधिकच वाढल्याने थंडीतही वाढ झाली आहे.

4 / 8

भंडारा जिल्ह्यात दुसऱ्या दिवशीही पावसासह गारपीटीचा तडाखा बसला असून रब्बी पिकांसह बागायती पिकांचे अतोनात नुकसान झाल्याची प्राथमिक माहिती आहे.

5 / 8

आजही पावसाने जिल्ह्याला झोडपले असून अनेक ठिकाणी गारपीट झाली आहे. लाखांदूर तालुक्यात ११४.३ मिमी पावसाची नोंद करण्यात आली आहे.

6 / 8

गारपिटीसह पावसाने रब्बी पिकाचे व बागायत शेतीचे प्रचंड नुकसान झाले. अनेक शेतकऱ्यांचे मळणी केलेले धान, पिकांचे पोते पावसात सापडले.

7 / 8

भंडाऱ्याच्या मोहाडी तालुक्यातील मोहाडी शहर, उसर्रा, लोहारा, गायमुख, सोरणा, जांब व कांद्री, वरठी परिसरातही गारांसह पाऊस बरसला. या पावसामुळे टमाटर, मिरची, कोबी पिकांचे नुकसान झाले आहे. या पावसाचा गहू पिकाला फायदा होईल, असे शेतकऱ्यांचे म्हणणे आहे.

8 / 8

अवकाळी पावसाने झालेल्या गारपिटीमुळे शेतकरी चिंताग्रस्त बनला असून शेतात, घरासमोर आणि घरावरील पत्र्यांवरही गारा दिसून येत आहे