साप्ताहिक राशीभविष्य: ७ राशींवर हरी-हर कृपा, पैसा हाती राहील; पदोन्नती योग, सुखाचा शुभ काळ!

1 / 15

Weekly Horoscope: या सप्ताहात बुध मीन राशीत प्रवेश करत आहे. अन्य कोणताही ग्रहपालट नाही. ग्रहस्थिती अशी - हर्षल मेष राशीत, गुरू वृषभ राशीत, मंगळ मिथुन राशीत, केतु कन्या राशीत, प्लूटो मकर राशीत आहे. रवी, बुध आणि शनी कुंभ राशीत आहेत. शुक्र, राहु आणि नेपच्यून मीन राशीत आहेत. दि. २७ रोजी बुध मीन राशीत प्रवेश करील.

2 / 15

चंद्राचे भ्रमण धनु, मकर, कुंभ आणि मीन या राशींमधून होईल. दि. २४ रोजी विजया एकादशी आहे. दि. २५ रोजी प्रदोष आहे. दि. २६ रोजी महाशिवरात्र आहे. दि. २७ रोजी दर्श अमावास्या आहे. दि. २७ रोजी पहाटे ४.३७ वाजेपासून पंचक सुरू होत आहे. दि. २८ फेब्रुवारी व १ मार्च रोजी पंचक आहे.

3 / 15

विजया एकादशी, प्रदोष, महाशिवरात्री या व्रतांमुळे श्रीविष्णू आणि महादेवांची अपार कृपा या काळात लाभू शकते. या काळात अनेकविध शुभ तसेच दुर्मिळ योग जुळून येत आहे, त्याचा लाभही प्राप्त होऊ शकतो. या कालावधीचा विचार करता कोणत्या राशींवर कसा प्रभाव असू शकेल? जाणून घेऊया, साप्ताहिक राशीभविष्य...

4 / 15

मेष: हा आठवडा नोकरी करणाऱ्यांसाठी चांगला आहे. ज्यांना नोकरी बदलावयाची आहे ते ती बदलू शकतात. तंदुरुस्ती टिकवून ठेवण्यासाठी योगासन, व्यायाम इत्यादींचा अवलंब करावा. व्यापाऱ्यांसाठी आठवडा चांगला आहे. त्यांना उन्नतीची संधी मिळू शकते. प्रेमीजनांच्या संबंधात एखाद्या शंकेमुळे काहीशी कटुता येऊन नात्यातील दुरावा वाढण्याची संभावना आहे. विवाहितांच्या वैवाहिक जीवनात तणाव निर्माण होऊ शकतो. कुटुंबातील शांतता टिकवून ठेवण्याचा प्रयत्न करावा. नात्यात गोडवा निर्माण होऊ शकतो. एखादी प्रॉपर्टी खरेदी करण्यात फायदा संभवतो. उच्च शिक्षण घेणाऱ्या विद्यार्थ्यांसाठी हा आठवडा अनुकूल आहे.

5 / 15

वृषभ: हा आठवडा चांगला आहे. एखाद्या मानसिक तणावाने त्रस्त असण्याची संभावना आहे. त्यामुळे नैराश्य येण्याची शक्यता आहे. व्यवसायात सावध राहावे लागेल. व्यवसायात चढ-उतारांचा सामना करावा लागू शकतो. त्यामुळे त्रस्त होण्याची संभावना आहे. नोकरी करणाऱ्यांसाठी आठवडा तणावाचा आहे. कामानिमित्त प्रवास करावे लागू शकतात. पूर्वी केलेल्या गुंतवणुकीमुळे जास्त फायदा होऊ शकतो. वैवाहिक जीवनात क्रोधामुळे तणाव निर्माण होऊ शकतो. परदेशात जावयाचे असेल तर प्रयत्न चालूच ठेवावेत. त्यात नक्कीच यशस्वी व्हाल. जर एखादे वाहन खरेदी करावयाचे असेल तर ते कर्जावर घेण्यात यशस्वी व्हाल.

6 / 15

मिथुन: हा आठवडा चांगला आहे. व्यापार खूपच चांगला होईल. नोकरी करणाऱ्यांना चांगली संधी मिळू शकते. विद्यार्थ्यांना कमी श्रमात यश प्राप्ती होऊ शकते. प्रेम जीवनात अहंकार व शंकेमुळे तणाव निर्माण होऊ शकतो. त्यामुळे संबंध काहीसे बिघडू शकतात. वैवाहिक जोडीदार जर वेळ देऊ शकत नसेल तर मजबुरी समजून घेण्याचा प्रयत्न करा.

7 / 15

कर्क: ह्या आठवड्यात ऋतू बदलामुळे आरोग्याच्या तक्रारी उद्भवण्याची शक्यता आहे. व्यावसायिकांनी कष्ट करून कामे केल्यास ते ती वेळेवर पूर्ण करू शकतील. नोकरी करणाऱ्यांनी कार्यालयातील राजकारणापासून दूर राहावे. अन्यथा नोकरीत त्रास होऊ शकतो. उच्च शिक्षण घेणाऱ्या विद्यार्थ्यांसाठी आठवडा अनुकूल आहे. एखादा नातेवाईक शिक्षणा संबंधी चांगला सल्ला देण्याची शक्यता आहे. ह्या आठवड्यात एखाद्या जुन्या परंतु आवडत्या व्यक्तीशी प्रेम जुळण्याची संभावना आहे. हा आठवडा विवाहितांसाठी अत्यंत अनुकूल आहे. जोडीदारासाठी काहीतरी नवीन करण्याचा प्रयत्न करून तिला एखादी मोठी भेटवस्तू देऊ शकाल.

8 / 15

सिंह: हा आठवडा सामान्यच आहे. नोकरी करणाऱ्यांना त्यांच्या कार्यक्षेत्रात अपेक्षित संधी मिळू शकते. व्यावसायिकांसाठी आठवडा चांगला आहे. ते एखाद्या मोठ्या संमेलनात सहभागी होऊ शकतात. ह्या आठवड्यात प्रकृतीची थोडी काळजी घ्यावी लागेल. आहारावर नियंत्रण ठेवावे. ह्या आठवड्यात आर्थिक स्थिती मजबूत राहील. वैवाहिक जीवनात थोडा तणाव निर्माण होऊ शकतो. जोडीदारास मनातील विचार सांगावेत. त्यामुळे समस्यांचे निराकरण होऊन एकमेकांच्या हृदयातील स्थान पुन्हा प्रस्थापित करण्यात यशस्वी होऊ शकाल. ह्या आठवड्यात थोडा वेळ मुलांसाठी काढावा.

9 / 15

कन्या: हा आठवडा सामान्य आहे. नोकरी करणाऱ्यांसाठी आठवडा चांगला आहे. त्यांची पदोन्नती संभवते. व्यापाऱ्यांना मात्र ह्या आठवड्यात थोडे सावध राहावे लागेल. कोणताही नवीन व्यवसाय सुरु करण्यापूर्वी तज्ज्ञ व्यक्तीचा सल्ला घ्यावा. ह्या आठवड्यात तंदुरुस्ती टिकवून ठेवण्यासाठी सकाळचे चालणे, योगासन इत्यादींना आपल्या दिनचर्येत समाविष्ट करावे. असे केल्यास निरोगी राहू शकाल. विद्यार्थ्यांना अध्ययनासाठी चांगली संधी प्राप्त होऊ शकते. ह्या आठवड्यात खूप वायफळ खर्च होतील. ह्या आठवड्यात प्रेमीजन प्रेमिकेवर शंका घेऊ लागल्याने त्यांच्या नात्यात बिघाड होऊ शकतो. वैवाहिक जीवन सुखद होईल. जोडीदाराच्या सहवासात खुश राहाल.

10 / 15

तूळ: हा आठवडा सामान्य आहे. नोकरी करणाऱ्या व्यक्तींनी त्यांच्या सध्याच्या नोकरीत बदल न करता आहे तीच नोकरी कायम ठेवावी. व्यापार करणाऱ्यांनी थोडे सावध राहावे. त्यांनी सरकारी दस्तावेज व्यवस्थित ठेवावेत. ह्या आठवड्यात प्राप्तीच्या प्रमाणात जास्त खर्च झाल्याने त्रासून जाऊ शकता. उच्च शिक्षण घेणाऱ्या विद्यार्थ्यांना परदेशात जाऊन शिक्षण घेण्याची संधी मिळू शकते. वैवाहिक जीवनात भांडणाची भावना राहील.

11 / 15

वृश्चिक: हा आठवडा सामान्य राहील. नोकरी करणाऱ्यांची पदोन्नती संभवते. व्यावसायिकांना एखादा नवीन आर्थिक भागीदार मिळू शकतो. उच्च शिक्षण घेणाऱ्या विद्यार्थ्यांना यश प्राप्ती होऊ शकते. बराचसा पैसा परदेशात जाण्यासाठी किंवा कुटुंबाच्या प्रगतीसाठी खर्च होऊ शकतो. व्यस्ततेमुळे प्रेमिकेस योग्य तितका वेळ देऊ न शकल्याने संबंधात तणाव निर्माण होऊ शकतो. वैवाहिक जीवनात तणावाची परिस्थिती निर्माण होऊ शकते. संबंध सुधारण्याचा प्रयत्न करावा.

12 / 15

धनु: हा आठवडा चांगला आहे. ह्या आठवड्यात नोकरी करणाऱ्या व्यक्तींची पदोन्नती संभवते. कार्यालयात कामगिरीची प्रशंसा केली जाऊ शकते. त्यामुळे अत्यंत खुश व्हाल. व्यापार करणाऱ्यांसाठी आठवडा चांगला आहे. व्यापारी त्यांच्या व्यापारानिमित्त परदेशात प्रवास करू शकतात. त्यांच्या नवीन ओळखी होतील. आरोग्य टिकवून ठेवण्यासाठी दिनचर्येत व्यायाम, योगासन इत्यादींचा समावेश करावा लागेल. प्रेमीजनांचे संबंध नाजूक अवस्थेत असल्याने त्यांनी सध्या सावध राहावे. वैवाहिक जीवन सुखद होईल. वैवाहिक जोडीदाराच्या सहवासात भरपूर वेळ घालवू शकाल. एखाद्या रमणीय ठिकाणी फिरावयास जाऊ शकाल.

13 / 15

मकर: हा आठवडा चांगला आहे. नोकरी करणाऱ्या व्यक्तींना कामाच्या ठिकाणी अत्यंत सावध राहावे लागेल. वरिष्ठ कामगिरीने प्रसन्न होतील. डोकेदुखीचा त्रास पुन्हा उद्भवू शकतो. हा आठवडा व्यापाऱ्यांसाठी चांगला आहे. पूर्वीचा व्यवसाय पुन्हा सुरु करू शकाल. व्यापारात भरपूर पैसा मिळवू शकाल. आर्थिक स्थिती उंचावेल. विद्यार्थ्यांना अभ्यासात थोडा त्रास होऊ शकतो. अभ्यासात त्यांचे लक्ष लागणार नाही. प्रेमिकेसह बाहेर फिरावयास जाऊ शकता. दाम्पत्य जीवन अधिक सुखद होईल. वैवाहिक जोडीदाराप्रती जास्त आकर्षित होऊन अधिकांश वेळ त्यांच्या सहवासात घालवाल.

14 / 15

कुंभ: हा आठवडा सामान्य आहे. ह्या आठवड्यात व्यवसाय व कारकीर्द चांगली चालेल. परदेशाशी संबंध येऊ शकतो व त्यामुळे अधिक पैसा मिळू शकतो. नोकरी करणाऱ्यांसाठी आठवडा चांगला आहे. जेथे नोकरी करत आहात तेथे उन्नती होऊ शकते. विद्यार्थ्यांसाठी आठवडा काहीसा त्रासदायी असू शकतो. अभ्यासात त्यांचे लक्ष लागणार नाही. उच्च शिक्षण घेणाऱ्या विद्यार्थ्यांसाठी आठवडा प्रतिकूल आहे. प्रेमीजनांचे संबंध बिघडण्याची शक्यता आहे. वैवाहिक जीवनात तणाव राहील.

15 / 15

मीन: हा आठवडा चांगला आहे. खाण्या-पिण्यावर संयम ठेवावा लागेल. एखाद्या मानसिक ताणामुळे एकटेपणा जाणवू शकेल. ह्या आठवड्यात कुटुंबासाठी जास्त पैसा खर्च करू शकाल. व्यवसाय चांगला चालेल. व्यवसायात खूप प्रगती कराल. नोकरी करणाऱ्यांसाठी आठवडा चांगला आहे. ज्यांना नोकरी बदलावयाची आहे, त्यांच्यासाठी हा आठवडा सकारात्मक आहे. वैवाहिक जोडीदाराशी नाते दृढ होईल. विद्यार्थी जर एखाद्या स्पर्धा परीक्षेची तयारी करत असतील तर त्यांना त्यात यश प्राप्त होऊ शकते. सरकारी नोकरी मिळण्याची शक्यता आहे.