सेलू (परभणी): शहरातील रायगड कॉर्नर परिसरात अवैध गोवंश वाहतूक करणाऱ्या ७ पिकअप आणि १ आयशर वाहनांवर सेलू पोलिसांनी गुरुवारी रात्री धाड टाकली. या कारवाईत पोलिसांनी ४५ बैल आणि ८ वाहने असा एकूण ५५ लाख रुपयांचा मुद्देमाल जप्त केला आहे. याप्रकरणी पोलिसांनी ११ जणांना अटक केली असून त्यांच्यावर तीन स्वतंत्र गुन्हे दाखल करण्यात आले आहेत.
अशी झाली कारवाईजालना जिल्ह्यातील पारडगाव (ता. परतूर) येथून ही जनावरे ८ वाहनांमध्ये क्रूरतेने कोंबून परभणीकडे नेली जात होती. रायगड कॉर्नरवर गस्तीवर असलेल्या पोलिसांनी संशयावरून ही वाहने अडवली. तपासणी केली असता जनावरांच्या वाहतुकीबाबत कोणतेही कायदेशीर कागदपत्रे चालकांकडे आढळले नाहीत. मोटर वाहन कायदा आणि प्राणी छळ प्रतिबंधक कायद्याचे उल्लंघन झाल्याचे स्पष्ट होताच पोलिसांनी सर्व वाहने पोलीस ठाण्यात लावली.
११ आरोपी जेरबंदपोलीस निरीक्षक दीपक बोरसे यांच्या मार्गदर्शनाखाली ही कारवाई करण्यात आली. जप्त केलेले ४५ बैल जिंतूर तालुक्यातील इटोली येथील गोशाळेत सुरक्षितरीत्या पाठवण्यात आले आहेत. या प्रकरणात जलाल अब्दुल कुरेशी, मोहम्मद रहेमान, मोहम्मद समीर यांच्यासह एकूण ११ जणांना अटक करण्यात आली आहे.
Web Summary : Selu police seized ₹55 lakh worth of livestock and vehicles, rescuing 45 cattle during a raid on illegal transporters. Eleven individuals were arrested for violating animal cruelty and motor vehicle laws after transporting the cattle inhumanely from Jaina towards Parbhani.
Web Summary : सेलू पुलिस ने अवैध पशु परिवहन पर छापा मारकर 55 लाख रुपये के पशुधन और वाहन जब्त किए, 45 मवेशियों को बचाया। जालना से परभणी की ओर अमानवीय तरीके से पशुओं का परिवहन करने पर पशु क्रूरता और मोटर वाहन कानूनों का उल्लंघन करने के आरोप में ग्यारह लोगों को गिरफ्तार किया गया।