परभणी: जिल्हा परिषद निवडणुकीच्या रणधुमाळीत परभणी जिल्ह्यात यंदा नातेसंबंधांची मोठी कसोटी लागणार आहे. माजी मंत्री सुरेश वरपूडकर यांच्या कुटुंबातील तब्बल पाच सदस्य वेगवेगळ्या पक्षांकडून निवडणूक लढवत आहेत. विशेष म्हणजे, यात सून, मुलगा, मुलगी आणि दोन पुतण्यांचा समावेश असून ते भाजप, काँग्रेस आणि उद्धवसेना अशा तीन वेगवेगळ्या विचारधारांच्या पक्षांतून नशीब आजमावत आहेत.
एकाच छताखाली तीन पक्षवरपूडकर यांचे चिरंजीव समशेर वरपूडकर हे सिंगणापूर या परंपरागत मतदारसंघातून भाजपच्या तिकीटावर लढत आहेत. त्यांच्या सूनबाई प्रेरणा वरपूडकर यांना दैठणा गटात भाजपने उमेदवारी दिली आहे. मात्र, धक्कादायक बाब म्हणजे वरपूडकरांची कन्या सोनल देशमुख यांनी उद्धवसेनेची मशाल हाती घेतली असून, झरी गटात त्यांच्यासमोर त्यांचे सख्खे मामा दिलीप देशमुख (भाजप) यांचे मोठे आव्हान आहे.
पुतण्यांमध्ये 'काँटे की टक्कर' लोहगाव गटात तर वरपूडकर घराण्यातील अंतर्गत कलह चव्हाट्यावर आला आहे. येथे दोन सख्खे चुलत भाऊ आमने-सामने आहेत. उत्कर्ष विजय वरपूडकर हे भाजपकडून, तर अजित अनिल वरपूडकर हे काँग्रेसकडून एकमेकांविरुद्ध शड्डू ठोकून उभे आहेत.
विटेकर कुटुंबाचीही प्रतिष्ठा पणालाकेवळ वरपूडकरच नव्हे, तर आमदार राजेश विटेकर यांच्या कुटुंबातही निवडणुकीचे वारे वाहत आहेत. त्यांचे बंधू श्रीकांत विटेकर सोनपेठमधून, तर चुलती रुक्मिणीबाई भोसले पाथरीतून नशीब आजमावत आहेत. जिल्ह्यातील या हाय-व्होल्टेज लढतींमुळे मतदारांमध्ये मोठी उत्सुकता निर्माण झाली आहे. आता मतदार 'नात्याला' प्राधान्य देतात की 'पक्षाला', हे निकालानंतरच स्पष्ट होईल.
Web Summary : Parbhani ZP election sees ex-minister Varudkar's family members from BJP, Congress, and Shiv Sena (UBT) contesting. Son, daughter, daughter-in-law, and nephews are in the fray, creating family rivalries and high-voltage contests.
Web Summary : परभणी ज़ेडपी चुनाव में पूर्व मंत्री वरपुडकर के परिवार के सदस्य भाजपा, कांग्रेस और शिवसेना (यूबीटी) से चुनाव लड़ रहे हैं। बेटे, बेटी, बहू और भतीजे मैदान में हैं, जिससे पारिवारिक प्रतिद्वंद्विता और हाई-वोल्टेज मुकाबले हो रहे हैं।