परभणी : ताकद वाढविण्याचा भाजपचा खटाटोप

केंद्र व राज्यात सत्तेत असलेल्या भारतीय जनता पार्टीने जिल्ह्यात विधानसभा निवडणुकीच्या निमित्ताने आपली ताकद वाढविण्याचा खटाटोप सुरु केला असून पहिल्यांदाच हा पक्ष चारपैकी दोन विधानसभा मतदारसंघात निवडणूक लढवित आहे. या उलट यापूर्वी तीन जागा लढविणारा शिवसेना पक्ष आता दोन जागांवर आला आहे.

लोकमत न्यूज नेटवर्कपरभणी : केंद्र व राज्यात सत्तेत असलेल्या भारतीय जनता पार्टीने जिल्ह्यात विधानसभा निवडणुकीच्या निमित्ताने आपली ताकद वाढविण्याचा खटाटोप सुरु केला असून पहिल्यांदाच हा पक्ष चारपैकी दोन विधानसभा मतदारसंघात निवडणूक लढवित आहे. या उलट यापूर्वी तीन जागा लढविणारा शिवसेना पक्ष आता दोन जागांवर आला आहे.जिल्ह्यात १९९० पासून भारतीय जनता पार्टी शिवसेनेच्या सोबतीने विधानसभेची निवडणूक लढवित आहे. १९९० च्या विधानसभा निवडणुकीत या पक्षाने फक्त गंगाखेड विधानसभा मतदारसंघातून आपला उमेदवार उभा केला. त्यावेळी या पक्षाचे उमेदवार सीताराम घनदाट यांना २७ हजार २१६ मते मिळाली होती. यावेळी त्यांचा शेतकरी कामगार पक्षाचे उमेदवार ज्ञानोबा हरि गायकवाड यांनी पराभव केला होता. १९९५ मध्ये पुन्हा भाजपाकडून या मतदारसंघातून साळवे यांनी निवडणूक लढविली. त्यावेळी त्यांना १४ हजार ६६६ मते मिळाली होती. ते तिसऱ्या क्रमांकावर होते. १९९९ च्या निवडणुकीत भाजपाकडून याच मतदारसंघातून विठ्ठल पुरभाजी गायकवाड यांनी निवडणूक लढविली. यावेळी त्यांना १७ हजार ९९० मते मिळाली होती. तेही या निवडणुकीत तिसºया क्रमांकावर राहिले. २००४ मध्ये मात्र विठ्ठल गायकवाड यांनी ४३ हजार ६५ मते मिळवित अपक्ष सीताराम घनदाट यांचा पराभव केला होता. २००९ मध्ये पुन्हा भाजपाने येथून निवडणूक लढविली. डॉ.मधुसूदन केंद्रे हे त्यावेळी भाजपाचे उमेदवार होते. त्यांना ६१ हजार ५२४ मते मिळाली. त्यांचा सीताराम घनदाट यांनी पराभव केला होता. १९९० ते २०१९ पर्यंत फक्त एकवेळा गंगाखेडमधून भाजपाला विजय मिळविता आला. शिवसेना -भाजपाची १९९० ते २०१४ पर्यंत युती असताना शिवसेनेने परभणी, पाथरी, जिंतूर या विधानसभेच्या जागा लढविल्या. तर गंगाखेडची जागा भाजपाकडे होती. २०१४ मध्ये शिवसेना भाजपाची युती तुटली. दोन्ही पक्षांनी स्वतंत्र निवडणूक लढविली. यामध्ये गंगाखेडची जागा मित्रपक्ष रासपने तर पाथरीची जागा स्वाभिमानी शेतकरी संघटनेने लढविली. परभणी व जिंतूर विधानसभा मतदारसंघाची जागा भाजपाने लढविली. त्यामध्ये परभणीत पक्षाला तिसºया क्रमांकाची ४२ हजार ५१ तर जिंतूरमध्येही तिसºया क्रमांकाची ३० हजार ३१० मते मिळाली. आता २०१९ च्या निवडणुकीत २ आॅक्टोबरपर्यत भाजपा एकही जागा लढवणार नाही, असे चित्र होते. राज्यस्तरावर झालेल्या जागा वाटपात पाथरीची जागा महायुतीतील घटक पक्ष रिपब्लिकन पार्टी आॅफ इंडिया आठवले गट आणि जिंतूरची जागा राष्ट्रीय समाजपक्ष लढवणार असल्याचे जाहीर केले होते; परंतु, ३ आॅक्टोबर रोजी राज्यस्तरावर घडामोडी घडल्या आणि जिंतूर व पाथरीत एबी फॉर्मसह भाजपाच्या इच्छुकांनी अधिकृत उमेदवारी अर्ज दाखल केले आणि आता या दोन्ही जागांवर या पक्षाचे उमेदवार लढत आहेत. जेथे भाजपाचे कमळ चिन्ह जिल्ह्यात राहते की नाही, अशी स्थिती असताना अचानक दोन जागांची लॉटरी पक्षाला लागली. उलट शिवसेनीची एक जागा घटली असून दुसºया गंगाखेडच्या जागेवर मित्र पक्षामुळेच सेनेचा कस लागला आहे. त्यामुळे शिवसेनेच्या न कळत भाजपाने जिल्ह्यात पक्षाची ताकद वाढविण्यासाठी केलेली खटाटोप स्पष्टपणे दिसत आहे. आता या दोन जागांवर पक्षाला यश मिळते की नाही, हे २४ आॅक्टोबर रोजी स्पष्ट होणार आहे.स्थानिक स्वराज्य संस्थांत पक्षाची फारशी ताकद नाही४जिल्ह्यातील स्थानिक स्वराज्य संस्थांमध्ये भाजपची फारशी ताकद नाही. जिल्हा परिषदेत पक्षाचे ५ सदस्य निवडून आले असून परभणी महानगरपालिकेत ८ नगरसेवक निवडून आले आहेत. या व्यतिरिक्त परभणी पंचायत समितीत ३, सेलू पंचायत समितीत १, गंगाखेड, पालम, पूर्णा पंचायत समितीत प्रत्येकी २ सदस्य निवडून आले असून गंगाखेड नगरपालिकेत ४ व पालम नगरपालिकेत २ नगरसेवक भाजपचे निवडून आले आहेत.४ काही महिन्यांपूर्वी झालेल्या मानवत नगराध्यक्षपदाच्या निवडणुकीत भाजपने विजय मिळविला आहे. सेलूचे नगराध्यक्ष विनोद बोराडे हे शहर विकास आघाडीच्या माध्यमातून निवडून आले होते. त्यांनी नुकताच भाजपत प्रवेश केला आहे. पालममध्ये भाजपचा उपनगराध्यक्ष आहे.४आदलाबदल केलेल्या पाथरी मतदारसंघात भाजपाचा एकही जि.प., पं.स., न.प. सदस्य नाही. मानवतमध्ये नगराध्यक्ष आहे. या उलट गंगाखेड मतदारसंघात भाजपाचे ६ पं.स., ६ न.प. आणि ४ जि.प.सदस्य आहेत.मराठवाड्यात परभणीत पक्ष होता मागे४मराठवाड्यातील आठ जिल्ह्यांच्या तुलनेत परभणीत भाजपची फारसी ताकद नव्हती. १९९० पासून जिल्हा शिवसेनेचा बालेकिल्ला आहे. २०१४ च्या लोकसभा निवडणुकीपूर्वी भाजपाने सर्वप्रथम पक्षीय ताकद वाढविण्यास सुरुवात केली. बुथप्रमुखांच्या नियुक्त्या केल्या. त्यांच्या अनेक वेळा बैठका झाल्या.४ पक्षाच्या पदाधिकाऱ्यांना कार्यक्रम दिला गेला. त्यानंतर शिवसेना-भाजपाची लोकसभेला युती झाली. विधानसभेलाही ती कायम राहिली. २०१४ मध्ये युती नसताना भाजपने दोन जागा लढविल्या. तर शिवसेनेने चारही जागा लढविल्या होत्या. आता २०१९ मध्ये युती असताना शिवसेना आणि भाजप प्रत्येकी दोन जागा लढवित आहेत.