झरी (जि. परभणी) : दुधना नदीकाठावर हातपाय धुण्यासाठी गेलेल्या मानवत तालुक्यातील राजुरा येथील एका ३५ वर्षीय तरुणाचा पाण्यात वाहत जाऊन मृत्यू झाला. ही घटना रविवारी सकाळी परभणी तालुक्यातील झरी नदीपात्रात उघडकीस आली.
तुकाराम बालासाहेब निर्वळ (वय ३५, रा. राजुरा तालुका मानवत) असे मयताचे नाव आहे. बालासाहेब निर्वळ यांनी खबर दिली. तुकाराम निर्वळ हा राजुरा येथील दुधना नदीच्या काठावर हातपाय धुण्यासाठी गेला होता. यादरम्यान तोल जाऊन नदीच्या पाण्यात पडून प्रवाहात वाहून गेला. हा प्रकार ३ ते ५ ऑक्टोबरदरम्यान घडला. रविवारी सकाळी परभणी तालुक्यातील झरी शिवारातील दुधना नदीपात्रात त्याचा मृतदेह तरंगताना आढळून आला.
घटनेची माहिती परभणी ग्रामीण पोलिसांना कळतात घटनास्थळी धाव घेत पंचनामा केला. याप्रकरणी बालासाहेब निर्वळ यांच्या खबरीवरून परभणी ग्रामीण पोलिस ठाण्यात आकस्मिक मृत्यूची नोंद करण्यात आली. याप्रकरणी सपोनि. जीवन राजगुरू यांच्या मार्गदर्शनाखाली झरीचे बीट जमादार शंकर हाके तपास करीत आहेत. येथे विविध यंत्रणांनी रेस्क्यू केला. त्यावेळी बघ्यांची गर्दी झाली होती.
Web Summary : A 35-year-old man from Rajura, Manvat, drowned in the Dudhana River near Parbhani while washing his hands. His body was found in Zari. Police are investigating the accidental death.
Web Summary : मानवत के राजुरा के एक 35 वर्षीय व्यक्ति की परभणी के पास दुधना नदी में हाथ धोते समय डूबने से मौत हो गई। उसका शव जरी में मिला। पुलिस आकस्मिक मौत की जांच कर रही है।