जुन्या वादातून युवकाचा खून; तिघांना जन्मठेप

या प्रकरणात १८ फेब्रुवारीला जिल्हा व सत्र न्यायाधीश ओंकार देशमुख यांच्यासमोर सुनावणी झाली. सरकार पक्षातर्फे १९ साक्षीदार तपासण्यात आले. प्रत्यक्ष घटना पाहणारे साक्षीदार व जखमी साक्षीदार, परिस्थितीजन्य पुरावा आरोपीविरुद्ध गुन्हा सिद्ध करण्यास पुरेसा आहे, असा युक्तिवाद विशेष सरकारी वकील सुभाषराव देशमुख हट्टेकर यांनी केला. या प्रकरणातील आरोपी अमिरोद्दीन याचे खटला सुरू असताना निधन झाले. त्यामुळे न्या.ओंकार देशमुख यांनी सुनावणीअंती इतर तिन्ही आरोपींना कलम ३०२ अन्वये जन्मठेप व १० हजार रुपये दंड, कलम ३०७ भा.दं.वि. अन्वये सक्तमजुरी व ५ हजार रुपये दंड अशी शिक्षा सुनावली. सुभाषराव देशमुख व ॲड. टी. एम. फारोखी यांनी सरकार पक्षातर्फे बाजू मांडली. कोर्ट पैरवी अधिकारी म्हणून पोलीस उपनिरीक्षक एस. व्ही. मनाळे, अंमलदार प्रमोद सूर्यवंशी, सहायक पोलीस उपनिरीक्षक डी.जी. गायकवाड यांनी काम पाहिले.