Coronavirus : चिंताजनक ! परभणी जिल्ह्यात ४ तासांत २ कोरोनाबाधितांचा मृत्यू
By लोकमत न्यूज नेटवर्क | Published: July 24, 2020 09:29 AM2020-07-24T09:29:37+5:302020-07-24T09:30:13+5:30
जिल्ह्यात ४५९ कोरोनाबाधित रुग्णांची संख्या झाली
Coronavirus : चिंताजनक ! परभणी जिल्ह्यात ४ तासांत २ कोरोनाबाधितांचा मृत्यू
परभणी : शहरातील जिल्हा सामान्य रुग्णालयात शुक्रवारी सकाळी ४ तासांत २ कोरोनाबाधित रुग्णांचा उपचारादरम्यान जिल्हा सामान्य रुग्णालयात मृत्यू झाल्याने जिल्ह्यात खळबळ उडाली आहे.
परभणी शहरातील फिरोज टॉकी भागातील रहिवासी असलेल्या ५० वर्षीय पुरुषास कोरोनाची लागण झाल्याने १७ जुलै रोजी सायंकाळी ६ वाजता जिल्हा सामान्य रुग्णालयात उपचारासाठी दाखल करण्यात आले होते. उपचार सुरू असताना या व्यक्तीचा गुरुवारी मध्यरात्री ३.१६ च्या सुमारास मृत्यू झाला. त्यानंतर शुक्रवारी सकाळी ७.०५ वाजता पूर्णा येथील महावीर नगर भागातील ५२ वर्षीय कोरोनाबधित पुरुषाचा उपचारादरम्यान मृत्यू झाला. या व्यक्तीस २१ जुलै रोजी सायंकाळी ६.३० वाजता जिल्हा रुग्णालयात उपचारासाठी दाखल करण्यात आले होते. जिल्ह्यात कोरोनाचा हा २१ वा बळी ठरला आहे. जिल्ह्यात ४५९ कोरोनाबाधित रुग्णांची संख्या झाली असून त्यातील २१६ जण कोरोनामुक्त झाले आहेत.
