परभणी : महापालिकेच्या महापौर आणि उपमहापौर पदाच्या निवडीसाठी ९ फेब्रुवारीला विशेष सभा होणार होती. मंगळवारी रात्री विभागीय आयुक्त जितेंद्र पापळकर यांनी परभणी मनपाच्या या प्रक्रिये संदर्भात नवीन आदेश काढून ही निवड प्रक्रिया १२ फेब्रुवारीला घेण्यात यावी असे आदेशित केले आहे.
महापौर आणि उपमहापौर या पदांसाठी मंगळवारी अर्ज दाखल करण्याची प्रक्रिया पूर्ण झाली. महापौर पदासाठी १४ आणि उपमहापौर पदासाठी सात अर्ज आले. त्यामुळे आता सोमवारी होणाऱ्या प्रक्रियेकडे लक्ष लागले होते. मात्र जिल्हा परिषद आणि पंचायत समिती निकालाची मतमोजणी याच दिवशी असल्याने मनपाची महापौर उपमहापौर पदाची निवड प्रक्रिया १२ फेब्रुवारीला घेण्यात यावी असे सुधारित आदेश विभागीय आयुक्त जितेंद्र पापळकर यांनी पिठासीन अधिकारी जिल्हाधिकारी संजय सिंह चव्हाण, मनपा आयुक्त नितीन नार्वेकर यांना दिले आहेत.
महापौरपदासाठी १४, उपमहापौर पदासाठी सात नामनिर्देशन दाखल महापालिकेच्या नामनिर्देशन पत्र दाखल करण्याच्या प्रक्रियेत मंगळवारी दुपारी तीन वाजेपर्यंत महापौर पदासाठी एकूण १४ तर उपमहापौर पदासाठी सात नाम निर्देशन पत्र दाखल झाले आहेत. यामध्ये उपमहापौर पदासाठी उद्धव सेना १, भाजप २, राष्ट्रवादी एक, काँग्रेस तीन नगरसेवकांचे अर्ज दाखल झाले. खेळीमेळीच्या वातावरणात एकत्रित भरलेले हे अर्ज पाहता आता माघारीसाठी कोणाचा बळी घेतला जाणार हेही तेवढेच महत्त्वाचे ठरणार आहे.
महापौरपदासाठीचे सादर नामनिर्देशनउमेदवार प्रभाग पक्षसय्यद समी ८ड उद्धवसेनास. इकबाल स. खाजा ८ क उद्धवसेनाश्याम खोबे १६ क उद्धवसेनाशरफुद्दीन सिद्दिकी ३ड उद्धवसेना दिलीपसिंह ठाकूर ९ड उद्धवसेनाप्रतिभा सरोदे ४अ उद्धवसेनामीना वरपुडकर ५ क भाजपडॉ. केदार खटिंग १५ ३ भाजपतिरूमला खिल्लारे १ ब भाजपरितेश झांबड ५ड भाजपभगवान वाघमारे ९अ काँग्रेसगणेश देशमुख १ड काँग्रेसगुलमीर खान ७ क काँग्रेसअर्जुन सामाले १० क राष्ट्रवादी (अ.प.)
उपमहापौरपदासाठीचे दाखल नामनिर्देशनउमेदवार प्रभाग पक्षभगवान वाघमारे ९अ काँग्रेसगणेश देशमुख १ड काँग्रेसगुलमीर खान ७क काँग्रेसश्याम खोबे १६ क उद्धवसेनातिरुमला खिल्लारे १ ब भाजपविश्वजीत बुधवंत ४ क भाजपनाजेमा बेगम ६ब राष्ट्रवादी (अ.प.)
महापौर पदासाठी पक्षनिहाय अर्ज उद्धव सेना ६ भाजप ४ राष्ट्रवादी १ काँग्रेस ३