...अन् पोलिसवाल्यानं भरून काढली 'आर्मी मॅन'ची कमी! कोण आहे भालाफेकमधील भारताचा नवा 'बाहुबली'?

आशियाई ॲथलेटिक्स चॅम्पियनशिप स्पर्धेत भारताला भालाफेक क्रीडा प्रकारात मिळाला नवा हिरो, जाणून घ्या त्याच्याबद्दल सविस्तर

दक्षिण कोरियातील गुमी येथे सुरु असलेल्या आशियाई ॲथलेटिक्स चॅम्पियनशिप स्पर्धेत भारताचा 'आर्मी मॅन' अर्थात दोन वेळचा ऑलिम्पिक चॅम्पियन नीरज चोप्रा मैदानात उतरलेला नाही. तो मैदानात उतरला की, भारताचं भालाफेक क्रीडा प्रकारातील एक मेडल जवळपास निश्चित मानले जाते. त्यामुळे यंदाच्या ॲथलेटिक्स चॅम्पियनशिप स्पर्धेत पुरुष गटातील भालाफेक क्रीडा प्रकारात भारताची पाटी कोरीच राहणार का? असा एक प्रश्न निर्माण झाला होता. पण 'आर्मी मॅन'ची कमी भरून काढत उत्तर प्रदेशचा पोलिसवाला भालाफेकपटू या क्रीडा प्रकारातील भारताचा नवा 'बाहुबली' ठरला आहे. सचिन यादव याने भालाफेक क्रीडा प्रकारात पर्सनल बेस्टसह भारताला रौप्य पदक मिळवून दिले आहे. जाणून घेऊयात कोण आहे भारताचा भालाफेकमधी नवा बाहुबली? त्याच्यासंदर्भातील सविस्तर माहिती

...अन् नीरज चोप्राच्या अनुपस्थितीत सचिन ठरला भारताचा नवा 'बाहुबली'

SACHIN YADAV MASSIVE THROW OF 85.16M 🤯

- Broke his Personal Best Record 💪 pic.twitter.com/LKjoeXP1EF

— The Khel India (@TheKhelIndia) May 31, 2025

भालाफेक क्रीडा स्पर्धा म्हटलं की, नीरज चोप्रा चर्चेत असतो. दोन ऑलिम्पिक स्पर्धेसह प्रत्येक स्पर्धेत खास छाप सोडून नीरज चोप्रानं भारतीयांमध्ये या खेळाची आवड निर्माण केली आहे. त्याच्यापाठोपाठ आता या खेळात आणखी एक स्टार समोर येत आहे. आशियाई ॲथलेटिक्स चॅम्पियनशिप स्पर्धेत  सचिन यादव याने ८५.१६ मीटर लांब भाला फेकत रौप्य पदक पटकावले. या स्पर्धेत पाकिस्तानच्या अरशद नदीनं ८६.४० मीटर अंतरावर भालाफेकत सुवर्ण कामगिरी करुन दाखवली. नीरज चोप्रा या स्पर्धेत उतरला असता तर निश्चित या क्रीडा प्रकारात भारताला आणखी एक पदक मिळाले असते. तेही गोल्ड. कारण डायमंड लीगमध्ये नीरज चोप्राने नुकतेच ९० मीटर अंतर भाला फेकला होता.  

आशियाई ॲथलेटिक्स चॅम्पियनशिप स्पर्धेत या भारतीय खेळाडूंनी 'गोल्डन' कामगिरीसह रचला इतिहास

कोण आहे आशियाई ॲथलेटिक्स चॅम्पियनशिप स्पर्धेत रौप्य पदक पटकवणारा भालाफेकपटू सचिन?

सचिन यादव हा मूळचा उत्तर प्रदेश येथील बागपत जिल्ह्यातील आहे. ऑल इंडिया पोलिस ॲथलेटिक्स चॅम्पियनशिप स्पर्धेत  ८४.२१ मीटर लांब भाला फेकून तो लक्षवेधी ठरला होता. त्याने या स्पर्धेत ३० वर्षांपूर्वी म्हणजे १९९४ मध्ये सतबीर सिंग यांनी ७९.८८ मीटर लांब भाला फेकत सेट केलेला विक्रम मोडीत काढला होता. सचिन यादव हा उत्तर प्रदेश पोलिस विभागात कार्यरत आहे. तो अनेक स्पर्धेत भारताचे प्रतिनिधीत्व करताना दिसून येते. नीरज चोप्रा प्रमाणेच तो ९० मीटर लांब अंतर कापण्यासाठी मेहनत घेत आहे.