नेदरलँड्स तिस-या स्थानावर!

फिफा विश्वचषकात तिस-या स्थानासाठी झालेल्या सामन्यात नेदरलँडसने ब्राझीलचा ३ - ० ने पराभव करीत तिसरे स्थान पटकावले.

नेदरलँड्सकडून ब्राझीलचा ३-० ने पराभव 

ऑनलाइन टीम 

ब्रासालिया, दि. १३ - फिफा विश्वचषकात तिस-या स्थानासाठी झालेल्या सामन्यात नेदरलँडसने ब्राझीलचा ३ - ० ने  पराभव करीत तिसरे स्थान पटकावले. जर्मनीकडून सपाटून मार खाणा-या ब्राझील संघाला पुन्हा एकदा मोठया पराभवाला सामोरे जावे लागले. 

फिफा विश्वचषक २०१४ चा प्रबळ दावेदारांपैकी एक असलेल्या ब्राझील संघाला नेयमारच्या अनुपस्थितीत एकापाठोपाठ एक पराभवाचे धक्के बसले आहेत. आधी जर्मनीकडून ७-१ असा दारूण पराभव पत्कारावा लागल्यानंतर ब्राझीलचा संघ तिसरे स्थान मिळविण्यासाठी पूर्ण ताकदीनिशी मैदानात उतरेल असे वाटत होते परंतू नेदरलँडविरूध्द सामन्यात ब्राझीलच्या एकाही खेळाडूला सामन्यात सूर गवसला नाही. उलट नेदरलँडसच्या खेळाडूंनी पहिल्या मिनिटापासून सामन्यावर पकड ठेवली. सामन्याच्या तिस-याच मिनिटाला पर्सेइने गोल नोंदवित नेदरलँडसला १-० अशी आघाडी मिळवून दिली. त्यानंतर १७ व्या मिनिटाला ब्लाईंडने दुसरा गोल करीत ब्राझीलला ब्लाईंड केले. पहिल्या हाफ टाईममध्ये आघाडी मिळालेल्या नेदरलँडस संघाकडून दुस-या हाफ टाईममध्येही गोल करण्याचे प्रयत्न करण्यात आले. परंतू अखेरच्या ९० व्या मिनिटाला विज्नाल्डमने गोल करीत नेदरलँडसला ३-० ने विजय मिळवून दिला. व  फिफा विश्वचषकात नेदरलँडसला तिस-या स्थानी बसवले. सलग दोन सामन्यात पराभव पत्कारावा लागल्याने ब्राझीलवासियांवर शोककळा पसरली.