Maria Sharapova announces pregnancy: टेनिस स्टार आणि एकेकाळची नंबर वन टेनिसपटूमारिया शारापोव्हानेइन्स्टाग्रामवर स्वतःचा एक फोटो शेअर करत चाहत्यांना गोड बातमी दिली. आज वाढदिवसाच्या दिवशी एका बीचवर उभी राहून तिने एक फोटो काढला आणि तो पोस्ट करत तिने प्रेग्नंसीची घोषणा केली. बेबी बंप दाखवतानाचा हा फोटो तिने आपल्या इन्स्टाग्राम अकाऊंटवर शेअर केला आणि ती लवकरच आई होणार असल्याची खुशखबर तिने सर्वांना दिली. मारिया शारापोव्हाने इन्स्टाग्रामवर तिच्या ४.२ मिलियन फॉलोअर्ससोबत ही बातमी शेअर केली. इंस्टाग्रामवर फोटो शेअर करत तिने लिहिले, 'अप्रितम नवी सुरुवात!!! दोन जीवांसाठी वाढदिवसाचा केक खाणे हे माझ्यासाठी नेहमीच खास असेल."
मारिया शारापोव्हाने तिच्या वाढदिवशी तिच्या प्रेग्नेंसीची बातमी चाहत्यांसोबत शेअर केली. आज (१९ एप्रिल) शारापोव्हा ३५ वर्षांची झाली. मारिया शारापोव्हाने २०२० मध्ये टेनिस कोर्टला रामराम ठोकला. त्याआधी तिची कारकिर्द बरीच चर्चेत राहिली. शारापोव्हाने ५ वेळा ग्रँडस्लॅम विजेतेपद पटकावले. तसेच, बंदी असलेल्या पदार्थांचे / औषधांचे सेवन केल्यामुळे तिच्यावर टेनिसबंदीची कारवाईही झाली होती. या सर्व गोष्टींचा तिने नेटाने सामना केला. त्यानंतर मारिया शारापोव्हाने डिसेंबर २०२२ मध्ये ब्रिटिश व्यावसायिक अलेक्झांडर गिल्क्स याच्याशी साखरपुडा केला. रिपोर्ट्सनुसार, प्रिन्स हॅरीसोबत गिल्क्सचे संबंध खूप चांगले आहेत. प्रिन्स विल्यम आणि केट मिडलटन यांच्या लग्नातही तो पाहुणा म्हणून उपस्थित होता.